الماتى جاڭا جىلدى جاقسى قارسى الدى. شاھار كوشەلەرى جىلداعىدان وزگەشە بەزەندىرىلىپ، جاسىل شىرشالار كوپتەپ ورناتىلىپ، اينالاسىنا ءتۇرلى انيماتور بەينەلەر ورىن تەپتى. بۇل كورىنىس، اسىرەسە، جارق-جۇرق ەتكەن الەمدى سۇيەتىن بالالارعا ەرەكشە كوڭىل كۇي سىيلادى. اباي الاڭىنداعى الىپ شىرشا ماڭىندا ويناپ جۇرگەن، بەتىن اياز سۇيگەن بالدىرعانداردىڭ اتا-انالارىن سوزگە تارتىپ، وزگەرگەن الماتى تۋرالى ويىن بولىسۋگە شاقىرعان بولاتىنبىز.
يمانبەك مولداحمەت ۇلى، زەينەتكەر: ءوركەنيەت كوشىندە
ءبىزدىڭ ناۋرىزباي اۋدانى بۇرىنعىدان كەڭەيىپ، ۇلكەيىپ كەلەدى. بالا سانى كوپ. بايقاۋىمشا، ءبىزدىڭ اۋدانعا مەكتەپ اۆتوبۋسى كوپ بولىنگەن. بالانى مەكتەپكە اپارىپ، الىپ قايتاتىن اۆتوبۋستاردى شەت ەل كينولارىنان كورۋشى ەدىك قوي، سول ءوركەنيەت بىزگە دە جەتتى. وقۋشىلاردىڭ تۇسكەنىن، قايتاردا مىنگەنىن قاداعالاپ وتىراتىن مۇعالىمدەر دە بولىنگەن ەكەن. قالا اكىمدىگىنىڭ بالالار قاۋىپسىزدىگىنە ءۇلكەن ءمان بەرەتىنى كوڭىلگە قونادى. بۇل اتا-انالاردىڭ دا كۇندىز الاڭداماي جۇمىس ىستەۋىنە جاسالعان جاعداي دەپ بىلەمىن.
جاڭىل اپەتوۆا، حالىقارالىق «جاناشىر» قوعامدىق قورىنىڭ پرەزيدەنتى: كوميۋنيتي ورتالىقتارى وڭ بولدى
كوشەلەر كەڭەيتىلدى. ادەمى، زاماناۋي عيمارتتار بوي كوتەرۋدە. قالانىڭ بوس جەرلەرىنە كوپ جەمىس اعاشتارى وتىرعىزىلدى. ەندى سونىڭ ءارى قاراي ءوسىپ-ونۋى قاداعالانىپ وتىرسا دەگەن تىلەگىم بار. الماتىنىڭ بارلىق سەگىز اۋدانىندا دا جاستاردىڭ كوميۋنيتي ورتالىقتارى ىسكە قوسىلىپ، ۇل-قىزدارىمىزدىڭ بوس ۋاقىتىن ءتيىمدى پايدالانۋىنا جاعدايلار جاسالعانى دا قۋانتادى. قاتتى تۇرمىستىق قالدىقتار تاستاۋعا ارنالعان زاماناۋي كونتەينەرلەر قوندىرىلدى بيىل. بۇل دا قالانىڭ كەلبەتىن بۇزباي، اسەمدىگىن ساقتاۋعا ارنالعان قادام دەپ ويلايمىن. ءبىزدىڭ اۋەزوۆ اۋدانىندا بيىل جاڭعىرتۋ-جاڭارتۋ، جوندەۋ جۇمىستارى كوپ جۇرگىزىلدى. اسىرەسە، «سايران» جاساندى كولىن زاماناۋي ۇلگىدە قايتا جاساپ جاتقانى قۋانتادى.
ءلاززات ءامىرجانوۆا،
قالا تۇرعىنى:
بءىز قىدىراتىن جەر كوپ
الماتى ءقازىر جىل ساناپ كوركەيۋدە. ءبىزدىڭ الاتاۋ اۋدانىنىڭ اۋماعى بۇرىنعىدان دا ۇلكەيىپ، مادەنيەت ورىندارى، بالالار شىعارماشىلىعى ورتالىعى اشىلدى. اۋلالاردىڭ كوركەيگەنى ءوز الدىنا بولەك اڭگىمە. نەمەرەلەرىممەن ءجيى قىدىرامىن. ۇيدە انام بار. ءبىز قىدىراتىن جەر كوپ.
ءبىر ءۇيلى جان بولعاسىن، اۋىرماي-سىرقاماي تۇرمايمىز. جۋىردا عانا ءبىزدىڭ الاتاۋ اۋدانىنداعى №23 ەمحانا بازاسىنان «ۇزدىك تاجىريبە ورتالىعى» اشىلدى. بۇل – الماتى بويىنشا اشىلعان العاشقى مەديسينالىق ورتالىق. تۇرعىندار مەن دارىگەرلەر اراسىنداعى بايلانىستى نىعايتۋعا باعىتتالعان اتالمىش جوبا حالىقارالىق ستاندارتتارعا نەگىزدەلگەن. مۇندا حالىققا كەشەندى مەديسينالىق، الەۋمەتتىك جانە پسيحولوگيالىق كومەكتەر كورسەتىلەدى. الماتىنىڭ بارلىق جەتىستىگىنە تىلەكشىمىن.
باقىت قاناي، جۇرگىزۋشى: «سەرگەك» كوپتىك ەتپەيدى
الماتىدا «سەرگەك» بەينەكامەرالارىنىڭ كوبەيگەنى دۇرىس بولدى. كولىگىن جىلدامدىقتى اسىرىپ جۇرگىزەتىندەر ءۇشىن تەجەۋ بولعان سياقتى بۇل قادام. كەيبىر تانىستارىم «اتتاپ باسساڭ، كامەرا!» دەپ رەنجىپ جاتادى. «تارتىپكە باعىنعان قۇل بولمايدى» دەمەكشى، بۇل ەڭ الدىمەن ءوزىڭىزدىڭ دە، وزگەنىڭ دە قاۋىپسىزدىگى ءۇشىن جاسالعان وڭ شەشىم ەكەنىن ايتىپ جۇرەمىن.
ايدانا اسىلبەك، بولاشاق دارىگەر: مەديسينا مۇمكىندىگى جوعارى
مەن ازىرگە ستۋدەنتپىن. ءبىراق ماماندىعىما ساي مەديسيناداعى تىڭ جاڭالىقتارعا قۇلاق ءتۇرىپ جۇرەمىن. مەديسينالىق قىزمەتتەردىڭ ساپاسىن ارتتىرۋ – الەۋمەتتىك تۇراقتىلىقتىڭ كەپىلى. وتكەن جازدا ەلىمىزدە العاش رەت «ۇرىق حيرۋرگياسى» پيلوتتىق جوباسى ەنگىزىلدى. بۇل، ەگەر قۇرساقتا جاتقان شارانانىڭ دامۋىندا كىنارات بولسا، سونى ەمدەيتىن جاڭا يننوۆاسيا. بۇل وپەراسيا ەڭ العاش زاماناۋي مەديسينالىق اپپاراتتارمەن جابدىقتالعان الماتى كلينيكاسىندا جاسالدى. ەندى بىزدە جىلىنا 150-گە دەيىن جاتىرىشىلىك وپەراسيا جاساۋعا بولاتىن كورىنەدى. بۇل دەگەنىڭىز، ەڭ ۇلكەن وزىق جەتىستىك!
قورلان بولات قىزى، ۇستاز: كءىتاپحانا اۋراسى بولەك
ءقازىر الماتى كىتاپحانالارىنىڭ كۇنىمەن، تۇنىمەن، ياعني 24/7 قاعيداتىمەن جۇمىس ىستەيتىنى ۇنايدى. جاستار كۇندىز ساباقتا، ءتۇرلى ادەبي-مادەني ءىس-شارالاردا بولامىز دا، كەشكە كىتاپحانالارعا بارۋعا ۇلگەرمەي قالىپ جاتادى. ءقازىر ىزدەگەنىڭنىڭ ءبارى ينتەرنەتتە تۇر دەگەنمەن، كىتاپحانانىڭ اۋراسى بولەك. الاتىن اقپاراتىڭ دا سەنىمدىرەك. مەن، ماسەلەن، جامبىل اتىنداعى جاسوسپىرىمدەر كىتاپحاناسىنا ءجيى باراتىنبىز. ءىشى سونداي جايلى، جاپ-جارىق، ەڭسەلى. تىنىش قانا وتىرىپ كىتاپ وقيتىن زونا بولەك. ال دوستارىڭمەن الدەبىر تاقىرىپتا پىكىر تالاستىرۋ قاجەت بولسا، وعان بولەك زونا ارنالعان. ەشكىم ەشكىمگە كەدەرگى جاسامايدى. بىزگە رۋحاني باي ۇرپاق كەرەك دەپ ويلايمىن.
ءبىز تىلدەسكەن تۇرعىندار الىپ شاھاردىڭ جەتىستىگىن وسىلايشا ءتىزىپ بەردى. ارينە، قۋاندىق. الماتىنىڭ جارقىن كەلبەتى – حالقىنىڭ ءال- اۋقاتىنىڭ كورسەتكىشى دەۋگە دە نەگىز بار. الماتىلىقتاردى جاڭا جىلمەن قۇتتىقتايمىز. الداعى تابىستىرعا ءدال وسىلاي نيەت، تىلەك، جۇرەكتەردى بىرىكتىرىپ بىرگە جەتەمىز دەگەن سەنىمدەمىز.
اڭگىمەلەسكەن نۇرجامال ءالىش
«اlmaty-akshamۋ»، №1 (6563) 7 قاڭتار، 2025 جىل