الاتاۋ اۋداندىق پوليسيا باسقارماسىنىڭ قىزمەتكەرلەرى قالا اۋماعىنداعى مەشىتتەردە جاسالعان ءبىرقاتار ۇرلىق دەرەكتەرىن اشكەرەلەدى، - دەپ حابارلايدى Aqshamnews.kz.
Polisia.kz ملىمدەۋىنشە، كۇدىكتى ۇستالىپ، ونىڭ جاماعاتتان ۇيالى تەلەفوندار، ءامياندار جانە وزگە دە جەكە زاتتاردى جاسىرىن تۇردە ۇرلاعانى انىقتالدى.
تەرگەۋ دەرەكتەرىنە سايكەس، كۇدىكتى ناماز ۋاقىتىن پايدالانىپ، ادامداردىڭ بەيقامدىعىن اڭدىپ، قىلمىسىن جاسىرىن جۇزەگە اسىرعان.
— ازاماتتاردىڭ قاۋىپسىزدىگىن، اسىرەسە ادام كوپ جينالاتىن ورىنداردا قامتاماسىز ەتۋ — ءبىز ءۇشىن اسا ماڭىزدى. مۇنداي قىلمىستار تەك ماتەريالدىق شىعىن كەلتىرىپ قانا قويماي، قوعامنىڭ رۋحاني-ادامگەرشىلىك قۇندىلىقتارىنا دا نۇقسان كەلتىرەدى. پوليسيا قىزمەتكەرلەرىنىڭ جەدەل ءارى كاسىبي جۇمىسىنىڭ ناتيجەسىندە ۇرلىقتارعا قاتىسى بار كۇدىكتى ۇستالىپ، ءاربىر دەرەك بويىنشا سوتقا دەيىنگى تەرگەپ-تەكسەرۋ جۇرگىزىلىپ جاتىر، — دەدى الاتاۋ اۋداندىق پوليسيا باسقارماسىنىڭ باستىعى ەدىلحان بايعارايەۆ.
قازىرگى تاڭدا كۇدىكتىنىڭ قىلمىستىق ارەكەتىنىڭ بىرنەشە ەپيزودى دالەلدەندى. ونىڭ وسىعان ۇقساس باسقا دا ۇرلىقتارعا قاتىسى بار-جوعى تەكسەرىلۋدە.
— ازاماتتاردى جەكە زاتتارىنا مۇقيات بولۋعا جانە كۇماندى تۇلعالاردى بايقاعان جاعدايدا پوليسياعا دەرەۋ حابارلاۋعا شاقىرامىز. تۇسكەن بارلىق اقپارات مىندەتتى تۇردە مۇقيات تەكسەرىلەدى، — دەپ تولىقتىردى ە. بايعارايەۆ.
سوتقا دەيىنگى تەرگەۋ جۇمىستارى جالعاسىپ جاتىر.