ق ر مەملەكەتتىك ورتالىق مۋزەيىندە قالا كۇنىنە جانە قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋگە ارنالعان «الماتى مەنىڭ جۇرەگىمدە» اتتى بالالار شىعارماشىلىعىنىڭ كورمەسى اشىلدى.
مۋزەي جىل سايىن رەسپۋبليكامىزدىڭ مادەني استاناسى بولىپ تابىلاتىن الماتى قالاسىنىڭ تاريحى مەن قازىرگى دامۋىنىڭ ءتۇرلى اسپەكتىلەرىن كورسەتەتىن بالالار سۋرەتىنىڭ كورمەلەرىن وتكىزىپ كەلەدى. بالالار شىعارماشىلىعىنىڭ كورمەلەرى بالالارعا ءوز تاريحىن، قالامىزدىڭ بۇگىنى مەن بولاشاعىن، قورشاعان الەمگە دەگەن كوزقاراسىن، سۋرەتتەر ارقىلى وزدەرىنىڭ ەموسيالارى مەن كوڭىل-كۇيلەرىن جەتكىزۋگە مۇمكىندىك بەرەدى.
كورمەگە الماتى قالاسىنىڭ بەينەلەۋ ستۋديالارىنىڭ، كوركەمونەر مەكتەپتەرىنىڭ، ءبىلىم بەرۋ جانە دامىتۋ ورتالىقتارىنىڭ تالانتتى، ىنتالى، جاس سۋرەتشىلەرى قاتىستى: «ارتۋم» بالالاردى دامىتۋ ورتالىعى، «رەمبراندت» ارت-ستۋدياسى، «ۋمكا» بالالار ءبىلىم بەرۋ ورتالىعى، «Genus» بالالار ورتالىعى، ت.جۇرگەنوۆ اتىنداعى ءقازۇوا مەكتەپ-ينتەرناتى، «سولنىشكو ارت-ستۋدياسى»، «تۆوريم ۆمەستە» «تى حۋدوجنيك» شەبەرحاناسى، «ArtMixstudio» شىعارماشىلىق ستۋدياسى، №68 مەكتەپ-گيمنازيا، «پودسنەجنيك» كوركەم ءبىلىم بەرۋ ستۋدياسى، «تۇران» مەكتەپ-ليسەيىنىڭ «شابىت» ستۋدياسى، «بوبەك» ۇو «ساموپوزنانيە» گيمنازياسى. كورمەگە 5-17 جاس ارالىعىنداعى بالالار قاتىسادى. ءتۇرلى تەحنيكالار مەن جانرلاردا ورىندالعان ءوز جۇمىستارىندا بالالار كوپتەگەن كورىكتى جەرلەردى، مادەنيەت پەن تاريح ەسكەرتكىشتەرىن، ساياباقتار مەن سكۆەرلەردى، جىلدىڭ بارلىق مەزگىلدەرىندەگى تابيعات سۇلۋلىعىن، ءتۇرلى-تۇستى ناتيۋرمورتتاردى، قالانىڭ، ەلىمىزدىڭ رامىزدەرىن جانە ت.ب. بەينەلەگەن.
كورمە ەكسپوزيسياسىندا بالالاردىڭ ءارتۇرلى جانە بىرەگەي جۇمىستارى ەرەكشە قىزىعۋشىلىق تۋدىرادى: نارىنوۆا انەلدىڭ «الماتى – مەنىڭ ماحابباتىم»، «بوتانيكالىق ب ا ق»، نارىنوۆ تايىر «تۇڭعىش پرەزيدەنت ساياباعى»، سپيسىنا البينا «المامەن اجەم»، داشكيەۆيچ ليديا «دالانىڭ جاڭعىرۋى»، ۆولسكايا ەكاتەرينا «باو»، كريۆكو الينا «رەسپۋبليكا جەتىستىكتەرى»، ماركينا ەليزاۆەتا «قاپشاعاي سۋلارى»، مۋردۋنوۆ يسلامجان «الما-اراسان» جانە 100-دەن استام بالالاردىڭ جۇمىستارى قويىلعان.
كورمە 2021 جىلدىڭ 30 قىركۇيەگىنە دەيىن جالعاسادى.