الماتى مەن ۆەتنام اراسىنداعى اۋە قاتىناسى قايتا جاندانادى

اۋە كەمەلەرى اپتاسىنا 2-3 رەت قاتىنايدى.

ق ر ييدم ازاماتتىق اۆياسيا كوميتەتى ۆەتنام سوسياليستىك رەسپۋبليكاسىنىڭ اۆياسيالىق بيلىك ورىندارىمەن بىرلەسىپ، قازاقستان مەن ۆەتنام اراسىنداعى تۇراقتى جولاۋشىلار رەيستەرىن قايتا قالپىنا كەلتىرۋ بويىنشا جۇمىس جۇرگىزۋدە، دەپ حابارلايدى Almaty-akshamy.kz

ماسەلەن، ۆەتنامدىق Vietjet Air ءىرى اۆياكومپانياسى الداعى قىركۇيەك ايىنىڭ سوڭىنان باستاپ Airbus ا-330 ءتيپتى اۋە كەمەلەرىندە اپتاسىنا 2-3 رەت جيىلىكپەن كامران – نۇر-سۇلتان جانە كامران – الماتى باعىتتارى بويىنشا تۇراقتى جولاۋشىلار رەيستەرىن ورىنداۋدى باستاۋدى جوسپارلاپ وتىر.

قازاقستان مەن ۆەتنام اراسىنداعى اۋە قاتىناسىن قالپىنا كەلتىرۋ ەلدەر اراسىنداعى ساۋدا-ەكونوميكالىق، ينۆەستيسيالىق، تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرەدى. Vietjet Air - ۆەتنامنىڭ تومەن بيۋدجەتتى اۆياتاسىمالداۋشىسى.

اۆياكومپانيا رەيستەردى 2007 جىلى باستادى. 19-دان استام باعىت بويىنشا الەمنىڭ 10 ەلىنە (سينگاپۋر، مالايزيا، ميانما، يندونەزيا، كامبودجا، تايۆان، وڭتۇستىك كورەيا، جۇڭگو، جاپونيا جانە ءۇندىستان) حالىقارالىق رەيستەردى ورىندايدى. اۆياكومپانيا پاركىندە Airbus ا320، A321، ا321 neo، ا330 ۇلگىسىندەگى 78 اۋە كەمەسى بار.