وقۋشى قىز قازاقستاننىڭ مادەنيەتىن كورسەتۋى كەرەك بولاتىن.
قازاقستان اتىنان تاعىلىمدامادان وتكەن 15 جاستاعى ياروسلاۆا كراۆچۋك ابايدىڭ سوزىنە جازىلعان «كوزىمنىڭ قاراسى» ءانىن ورىندادى، دەپ حابارلايدى Almaty-akshamy.kz «ەكسپرەسس ك» سايتىنا سىلتەمە جاساپ.
اقش-تىڭ اەروعارىش اگەنتتىگى جانىنداعى جازعى NASA United Space School مەكتەبىندە حالىقارالىق بايقاۋ ءوتىپ، وندا ءار وقۋشى ءوز ەلىنىڭ مادەنيەتىمەن بايلانىستى ءنومىر ۇسىنۋى كەرەك ەدى.
پاۆلوداردىڭ №8 مەكتەپ-ليسەيىندە وقيتىن ياروسلاۆا رەسپۋبليكالىق استرونوميالىق جارىستا جەڭىسكە جەتكەننەن كەيىن NASA-نىڭ جازعى مەكتەبىنە شاقىرتۋ العان ەدى. ول كومەتالار مەن استەرويدتاردىڭ توپىراعىنان سۋتەگى وتىنىن وندىرۋگە كومەكتەسەتىن «Kanysh» اتتى شاعىن عارىش اپپاراتتارىنىڭ ماكەتىن جاساعان بولاتىن.