كرەديت العانداردىڭ جاعدايى ءماز ەمەس

ەلىمىزدە نەسيەلىك احۋال يندەكسى ناشارلادى

2022 جىل باستالىسىمەن ەلىمىزدىڭ كرەديتتىك احۋال يندەكسى 3،9 ساتىعا تومەن ءتۇسىپ، 62،1% بولدى. بۇل كورسەتكىش - نەسيەنى وتەۋ ىقتيمالدىعى جوعارى قارىز الۋشىلاردىڭ ۇلەسى. ال قارىز الۋشىلاردىڭ 18،2%-ى قازىردەن دەفولتقا ۇشىراعان. بۇل تۋرالى ءبىرىنشى كرەديتتىك بيۋرو مەكەمەسىنىڭ باس ديرەكتورى رۋسلان وماروۆ ايتتى، دەپ حابارلايدى اlmaty-akshamy.kz baq.kz سىلتەمە جاساپ.

ونىڭ ايتۋىنشا، دەفولتقا ۇشىراعاندار - قارىزىن وتەۋدى 90 كۇنگە شەگەرگەندەر. سونداي-اق كرەديت العانداردىڭ 19،7%-نىڭ دا جاعدايى ءماز ەمەس، ولار انىقتالماعان ايماقتا. ازاماتتاردىڭ بۇل ساناتى ءارتۇرلى وزگەرىستەرگە سەزىمتال، بۇل ولاردىڭ نەسيەلىك تارتىبىنە اسەر ەتۋى مۇمكىن.

2021 جىلى قارجىلىق ساۋاتتىلىق يندەكسى 0،6 ساتىعا ءوسىپ، 5،13%-عا جەتكەن. ەل ازاماتتارى وزدەرىنىڭ كرەديتتىك تاريحىنا كوپ ءمان بەرەتىن بولعان. ساراپشىلاردىڭ ايتۋىنشا، قاجەتسىز نەسيەلەردەن قۇتىلۋ ءۇشىن، ونىڭ الدىن الۋ شارالارىنا جۇگىنەتىن قازاقستاندىقتار كوبەيگەن، – دەيدى وماروۆ.

كرەديتتىك الاياقتارمەن كۇرەسۋ ءۇشىن ءماجىلىس دەپۋتاتتارىنىڭ باستاماسىمەن 2022 جىلى ءبىرىنشى كرەديتتىك بيۋرو ق ر قارجى نارىعىن رەتتەۋ جانە دامىتۋ اگەنتتىگىنىڭ قولداۋىمەن «ستوپ-كرەديت» سەرۆيسىن ىسكە قوسقان. بۇل قىزمەت جەكە تۇلعالاردىڭ نەسيە تاريحىنا قول جەتكىزۋدى شەكتەۋگە مۇمكىندىك بەرەدى.