سىرىم ءشارىپحانوۆ ءورت سوندىرۋشىلەردى ءورتتى سوندىرۋدە كورسەتكەن ەرجۇرەكتىلىك پەن باتىرلىق، جوعارى كاسىبيلىك ءۇشىن العىس ءبىلدىردى.
توتەنشە جاعدايلار ءمينيسترى سىرىم ءشارىپحانوۆتىڭ وكىمى بويىنشا، الماتى جانە قاراعاندى وبلىستارى توتەنشە جاعدايلار دەپارتامەنتتەرىنىڭ كۇشتەر مەن قۇرالدار توپتامالارى تۇراقتى جۇمىس ورىندارىنا قايتتى، ، دەپ حابارلايدى Almaty-akshamy.kz
وقيعا ورنىندا ءورت تولىق سوندىرىلگەنگە دەيىن وقشاۋلانعان ءورت وشاقتارى ورىندارىنا تۇراقتى تۇردە سۋ توگۋ، ءورتتىڭ جيەگىن توپىراقپەن جابۋ جانە تولتىرۋ جۇزەگە اسادى.
"ەلدى مەكەندەرگە ءقاۋىپ جوق. ءورت ۋچاسكەلەرىندە اشىق جانۋ جوق. تابيعي ءورت ورنىندا ودان ءارى قاراۋىلداۋ جۇمىسىن ەكولوگيا جانە تابيعي رەسۋرستار مينيسترلىگىنىڭ ورمان ءورت ستانسيالارى، تجم ءورت ءسوندىرۋ بولىمشەلەرى جانە اۋە كەمەلەرى قامتاماسىز ەتەدى"، دەلىنگەن ق ر توتەنشە جاعدايلار مينيسترلىگى تاراتقان اقپاراتتا.
ءورت باستالعالى بەرى بارلىعى 2 636 رەت كولەمى 7 747 توننا سۋ توگىلدى.
ەسكە سالا كەتەيىك، 15 ماۋسىم ساعات 21:00-دە اۋەدەن بارلاۋ جانە جەدەل جاعدايدى باعالاۋ قورىتىندىسى بويىنشا اباي وبلىسىنداعى سەمەي ورمانى تابيعي رەزەرۆاتىنىڭ اۋماعىنداعى تابيعي ءورتتىڭ وقشاۋلانعانىن جاريالاندى.