2022 جىلى الماتىنىڭ تۇرعىن ۇي-كوممۋنالدىق شارۋاشىلىعىن دامىتۋعا 160 ملرد تەڭگەدەن استام قارجى جۇمسالدى
تۇرعىن ۇي-كوممۋنالدىق شارۋاشىلىق سالاسىنا جالپى بيۋدجەتتىڭ ۇلەسىنەن 12،4% – 160،3 ملرد. تەڭگە باعىتتالدى، 2021 جىلمەن سالىستىرعاندا ءوسىم 3،6 ملرد.تەڭگە نەمەسە 2،3%-عا تەڭ. بۇل تۋرالى قالالىق ءماسليحاتتىڭ VI سەسسياسىندا الماتى قارجى باسقارماسىنىڭ باسشىسى قانات سۋحامبەكوۆ مالىمدەدى، دەپ حابارلايدى almaty-akshamy.kz
جاستاردى قولداۋ اياسىندا 2022 جىلى بيۋدجەت قاراجاتى ەسەبىنەن 469 پاتەرلىك 6 كوپقاباتتى تۇرعىن ءۇي پايدالانۋعا بەرىلدى.
قالالىق الەۋمەتتىك ينفراقۇرىلىمنىڭ 27 نىسانىنا ينجەنەرلىك جەلىلەردىڭ قۇرىلىسى اياقتالدى.
سۋمەن قامتۋ جانە سۋ بۇرۋ جۇيەسىن دامىتۋ شەڭبەرىندە:
- ناۋرىزباي اۋدانىنىڭ تۇرعىندارىن سۋمەن قامتاماسىز ەتۋ ءۇشىن «اقساي» جانە «قارعالى» وزەندەرىندە 2 سۋ جيناعىش قۇرىلىسىن سالۋ،
- «قۇرىلىسشى» جانە «وجەت» ش/ا-دا 5 سورعى بەكەتىن سالۋ،
- «قاراسۋ»، «جاس-قانات»، «بورالداي»، «شاڭىراق-1»، «تومەنگى بەسجىلدىق»، «ايگەرىم – 1،2»، «شۋاقتى»، «پەرۆومايكا» ش/ا ماگيسترالدىق جانە تاراتۋ جەلىلەرىن سالۋ.