بۇل ءىس-شارالار حالىقتىڭ ءال-اۋقاتىن ارتتىرادى.
قازاقستاننىڭ قۇرىلىسشىلار وداعى «7-20-25» باعدارلاماسى شارتتارىن وزگەرتىپ، قايتا ىسكە قوسۋدى ۇسىنىپ وتىر. بۇل تۋرالى اتالعان وداق ءتورالقاسىنىڭ ءتوراعاسى تالعات ەرعالييەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«باسپا ءسوز ءماسليحاتىمىز باسپاناعا مۇقتاج ادامداردى پاتەرمەن قامتاماسىز ەتۋگە ارنالادى. مەملەكەتتىك ورگاندار، ۇكىمەت ءوز شەشىمدەرىن نەگىزدەي الماعان كەزدە، ءارقاشان قۇرىلىسشىلار شەشىم بەرمەي وتىر دەيدى. سوندىقتان ءبىز شەشىم بەرىپ قانا قويماي، ۇسىنىستارىمىزدى دا جاساعىمىز كەلەدى. ەڭ الدىمەن، «7-20-25» باعدارلاماسى شارتىن 25 جىلدان 35 جىلعا وزگەرتىپ، قازاقستاننىڭ تۇرىن ءۇي كومپانياسىنىڭ كەپىلى بار سالىنىپ جاتقان ۇيدەن پاتەر ساتىپ الۋعا مۇمكىندىك بەرۋ قاجەت. باعدارلاما قازاقستاننىڭ تۇرعىن ءۇي كومپانياسى اياسىندا عانا جۇمىس ىستەيتىندىگىن بىلەسىزدەر. بانكتەرمەن جۇمىس ىستەمەيدى»، - دەدى ول ەلوردادا وتكەن باسپا ءسوز ءماسليحاتىندا.
سونىمەن قاتار تالعات ەرعالييەۆ تۇرعىن ءۇي قۇرىلىسىن ارناۋلى ەكونوميكالىق ايماق اياسىندا دا جۇرگىزىپ، ينجەنەرلىك جەلىلەردى ۋاقىتىلى تارتۋ قاجەتتىگىن ايتادى.
ونىڭ اتاپ وتۋىنشە، بۇل ءىس-شارالار حالىقتىڭ ءال-اۋقاتىن ارتتىرىپ، قۇرىلىس نارىعى مەن پاتەر باعاسىن تۇراقتاندىرادى. جۇمىس ورىندارى سانىنىڭ ارتۋىنا سەپ بولىپ، بيۋدجەتكە سالىق تۇسىمدەرىن ارتتىرادى.