الماتىلىقتاردان سالىق ەسەپتىلىگىن الدىن الا تاپسىرۋدى سۇرايدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى مەملەكەتتىك كىرىستەر دەپارتامەنتى مەملەكەتتىك قىزمەتتەر باسقارماسىنىڭ باسشىسى باقتىگۇل سەيتوۆا مالىمدەدى، دەپ حابارلايدى aqshamnews.kz
سالىق ەسەپتىلىگىن ەلەكتروندىق نىساندا ۇسىنعان جاعدايدا مەرزىمىن ۇزارتۋعا بولادى. ول ءۇشىن تىركەۋ ورنى بويىنشا قاعاز نەمەسە ەلەكتروندىق تۇردە مەملەكەتتىك كىرىستەر ورگانىنا حابارلاما جىبەرۋ قاجەت.
"2024 جىلدىڭ 15 تامىزىندا 2024 جىلدىڭ 2 توقسانى مەن ءبىرىنشى جارتىجىلدىعىنا سالىق ەسەپتىلىگىن تاپسىرۋ مەرزىمى كەلەدى"، – دەدى باقتىگۇل سەيتوۆا.
سالىق تولەۋشىلەر كەلەسى سالىق ەسەپتىلىگىن ۇسىنۋى كەرەك:
• 2024 جىلعى 2-توقسانعا جەكە تابىس سالىعى جانە الەۋمەتتىك سالىق بويىنشا 200،00 نىساندى دەكلاراسيا؛
• 2024 جىلدىڭ 2-توقسانى ءۇشىن 300،00 ققس دەكلاراسياسى نىسانى؛
400.00-نىسان – اكسيزدىك دەكلاراسيا نەگىزىندە 2024 جىلعى ماۋسىمعا 421.00-نىسان بويىنشا قۇرىلىمدىق بولىمشەلەر بويىنشا تولەم
• 870.00 نىسانى – 2024 جىلعى 2-توقسانداعى قورشاعان ورتاعا ەميسسيالار ءۇشىن تولەم تۋرالى دەكلاراسيا؛ 910.00 نىسانى – 2024 جىلدىڭ 1 جارتىجىلدىعىنا وڭايلاتىلعان دەكلاراسيا.
- 910.00 نىسانى-2024 جىلدىڭ 1 جارتىجىلدىعىنا ارنالعان وڭايلاتىلعان دەكلاراسيا.
سالىق ەسەپتىلىگىن سالىق تولەۋشىلەر تاپسىرادى:
• زاڭدى تۇلعانىڭ ورنالاسقان جەرى بويىنشا زاڭدى تۇلعالار؛
• جەكە كاسىپكەرلەر، جەكە كاسىپكەردىڭ تۇرعىلىقتى جەرىن كورسەتە وتىرىپ، ورنالاسقان جەرى بويىنشا.
وكق سپيكەرى سالىق كودەكسىنىڭ 212-بابىنا سايكەس سالىق تولەۋشىلەر تاۋارلاردى اكەلۋ جانە جاناما سالىقتاردى تولەۋ تۋرالى ءوتىنىشتى قوسپاعاندا، ەلەكتروندىق نىساندا تابىس ەتىلگەن جاعدايدا سالىق ەسەپتىلىگىن تابىس ەتۋ مەرزىمىن ۇزارتۋعا قۇقىلى ەكەنىن ەسكە سالدى.
سالىقتىق ەسەپتىلىكتى ۇسىنۋ مەرزىمىن ۇزارتۋ ءۇشىن تىركەۋ ەسەبىنە قويىلعان جەرى بويىنشا مەملەكەتتىك كىرىستەر ورگانىنا ۋاكىلەتتى ورگان بەلگىلەگەن نىسان بويىنشا، ونىڭ ىشىندە «ازاماتتارعا ارنالعان ۇكىمەت» مەملەكەتتىك كورپوراسياسى ارقىلى سالىقتىق ەسەپتىلىكتى ۇسىنۋ ءۇشىن سالىق كودەكسىنىڭ بەلگىلەنگەن مەرزىم وتكەنگە دەيىن حابارلاما قاعاز جەتكىزگىشتە نەمەسە ەلەكتروندىق نىساندا جىبەرۋ قاجەت.
حابارلامانى ەلەكتروندى تۇردە مەملەكەتتىك كىرىستەر كوميتەتىنىڭ «سالىق تولەۋشىلەر كابينەتى» web-قوسىمشاسى، «ەلەكتروندىق ۇكىمەت» پورتالى (egov.kz) ارقىلى جىبەرۋگە بولادى.
كورپوراتيۆتىك تابىس سالىعى بويىنشا اۆانستىق تولەمدەر سومالارىنىڭ ەسەپ-قيسابىن قوسپاعاندا، سالىقتىق ەسەپتىلىكتى ۇسىنۋ مەرزىمى:
- كورپوراتيۆتىك تابىس سالىعى نەمەسە جەكە تابىس سالىعى بويىنشا دەكلاراسيانى تاپسىرۋ ءۇشىن بەلگىلەنگەن مەرزىمنەن باستاپ كۇنتىزبەلىك وتىز كۇننەن اسپايتىن؛
- سالىقتاردىڭ، بيۋدجەتكە تولەنەتىن تولەمدەردىڭ، الەۋمەتتىك تولەمدەردىڭ وزگە دە تۇرلەرى بويىنشا دەكلاراسيانى جانە (نەمەسە) ەسەپ-قيساپتى ۇسىنۋ ءۇشىن بەلگىلەنگەن مەرزىمنەن باستاپ كۇنتىزبەلىك ون بەس كۇننەن اسپايتىن؛
- تاۋەكەلدەردى باسقارۋ جۇيەسى بويىنشا تاۋەكەلدەر دەڭگەيى تومەن سالىق تولەۋشىلەر ءۇشىن سالىقتاردىڭ، بيۋدجەتكە تولەنەتىن تولەمدەردىڭ، الەۋمەتتىك تولەمدەردىڭ وزگە دە تۇرلەرى بويىنشا دەكلاراسيانى تاپسىرۋ ءۇشىن بەلگىلەنگەن مەرزىمنەن باستاپ كۇنتىزبەلىك وتىز كۇننەن اسپايتىن كەزەڭگە ۇزارتىلادى.
"تيىسىنشە، تامىز ايىندا ۇسىنىلۋى قاجەت 101.01 جانە 328.00 نىساندارى بويىنشا سالىق ەسەپتىلىگىن ۇسىنۋ مەرزىمى ۇزارتىلمايدى"، - دەپ ءتۇسىندىردى باقتىگۇل سەيتوۆا.
ارناۋلى سالىق رەجيمىن قولداناتىن دارا كاسىپكەردى قوسپاعاندا، سالىقتىق ەسەپتىلىكتى ۇسىنۋ مەرزىمى تاۋەكەلدەردى باسقارۋ جۇيەسى بويىنشا تاۋەكەل دەڭگەيى جوعارى سالىق تولەۋشىگە قاتىستى ۇزارتىلمايدى.
تيىسىنشە، تاۋەكەلدەردى باسقارۋ جۇيەسىنە سايكەس تاۋەكەلدىڭ جوعارى دەڭگەيى بار، زاڭدى تۇلعالارعا، سونداي-اق جالپىعا بىردەي بەلگىلەنگەن ءتارتىپتى قولداناتىن دارا كاسىپكەرلەرگە سالىقتىق ەسەپتىلىكتى تاپسىرۋ مەرزىمى ۇزارتىلمايدى.
مىسالى، «جەكە تابىس سالىعى جانە الەۋمەتتىك سالىق بويىنشا دەكلاراسيا» 200.00-نىسان بويىنشا 2021 جىلعى 4-توقسانعا سالىقتىق ەسەپتىلىگىن تابىس ەتۋ مەرزىمى 15 .08.2024 ج. اياقتالادى.
بۇل مىسالدا، ەگەر تاۋەكەلدەر دەڭگەيى:
- ورتاشا بولسا – سالىق تولەۋشىلەردىڭ بارلىق ساناتتارى ءۇشىن؛
- جوعارى بولسا – ارناۋلى سالىق رەجيمىن قولداناتىن دارا كاسىپكەرلەرگە 200.00-نىسان بويىنشا سالىق ەسەپتىلىگىن ۇسىنۋ مەرزىمى بەلگىلەنگەن مەرزىمنەن باستاپ كۇنتىزبەلىك 15 كۇننەن اسپايتىن كەزەڭگە ۇزارتىلادى.
بۇل رەتتە، ەگەر تاۋەكەل دارەجەسى تومەن بولسا، وندا دەكلاراسيانى ۇسىنۋ مەرزىمىن كۇنتىزبەلىك 30 كۇننەن اسپايتىن مەرزىمگە ۇزارتۋعا بولادى.
سونداي-اق ەكىنشى مىسال، 2024 جىلدىڭ ءبىرىنشى جارتىجىلدىعى ءۇشىن 910.00 نىسانداعى وڭايلاتىلعان دەكلاراسيانى تاپسىرۋ مەرزىمى 2024 جىلدىڭ 15 تامىزىندا اياقتالادى. دەكلاراسيانى تاپسىرۋ مەرزىمى 200.00-نىسانداعى سالىق ەسەپتىلىگىندەي ۇزارتىلادى.
"مەملەكەتتىك كىرىستەر ورگانىنىڭ كودى دۇرىس كورسەتىلمەگەن جاعدايدا، بۇرىن ۇسىنىلعان سالىق ەسەپتىلىگىنە وزگەرىستەر نەمەسە تولىقتىرۋلار ەنگىزىلەتىن وزگەرتۋ ادىسىمەن سالىق ەسەپتىلىگىن كەرى قايتارىپ الۋ قاجەت"، – دەپ قورىتىندىلادى باقتىگۇل سەيتوۆا.