ەلىمىزدە 2024 جىلعى 22-28 شىلدە ارالىعىندا ساۋدا وبەكتىلەرىندە ءورت قاۋىپسىزدىگىن ساقتاۋ بويىنشا رەسپۋبليكالىق اكسيا وتكىزىلدى. الماتى قالاسى توتەنشە جاعدايلار دەپارتامەنتىنىڭ وكىلدەرى وڭىرلىك كوممۋنيكاسيالار قىزمەتى بريفينگىندە اكسيانىڭ قورىتىندىسىن شىعاردى، دەپ حابارلايدى aqshamnews.kz
الماتى تجد مەملەكەتتىك ءورت باقىلاۋ باسقارماسىنىڭ باستىعى، ازاماتتىق قورعاۋ پودپولكوۆنيگى كونستانتين كانين اتاپ وتكەندەي، ساۋدا وبەكتىلەرىندەگى ورتتەردىڭ نەگىزگى سەبەبى ەلەكتر سىمدارىنىڭ قىسقا تۇيىقتالۋى بولىپ تابىلادى.
"اعىمداعى جىلدىڭ 7 ايىندا الماتى قالاسىنىڭ اۋماعىندا 388 ءورت تىركەلدى، ونىڭ 11ء-ى ساۋدا نىساندارىندا بولعان. بۇل ورتتەردىڭ سەبەپتەرى: ەلەكتر سىمدارى مەن قۇرىلعىلارىنىڭ قىسقا تۇيىقتالۋى - 10 جاعداي، دانەكەرلەۋ – 1. ناتيجەسىندە مەنشىك يەلەرىنە دە، جالعا الۋشىلارعا دا ۇلكەن ماتەريالدىق زالال كەلتىرىلدى، بۇل تەك تاۋارلىق-ماتەريالدىق ەمەس، سونىمەن قاتار كوپتەگەن وتباسىلار ءۇشىن تابىس كوزدەرىن جوعالتۋعا اكەلدى"، – دەدى ك.كانين.
دەپارتامەنتتىڭ ەسەبىندە بارلىعى 14 مىڭنان استام ساۋدا وبەكتىلەرى بار، ولاردىڭ 242ء-سى جوعارى جانە ورتاشا تاۋەكەل دارەجەسىنە جاتادى، ولار كاسىپكەرلىك كودەكسكە سايكەس ءورت قاۋىپسىزدىگى سالاسىندا پروفيلاكتيكالىق باقىلاۋعا جانە قاداعالاۋعا جاتادى.
"اعىمداعى جىلى 26 ساۋدا نىسانى پروفيلاكتيكالىق باقىلاۋعا الىندى، ءورت قاۋىپسىزدىگى تالاپتارىنىڭ 609 بۇزۋشىلىعى انىقتالدى. باسشىلارعا انىقتالعان بۇزۋشىلىقتاردى جويۋ تۋرالى ۇيعارىمدار بەرىلدى"، - دەپ ناقتىلادى ك.كانين.
اعىمداعى جىلدىڭ سوڭىنا دەيىن تاعى 30 ساۋدا وبەكتىسىنە پروفيلاكتيكالىق باقىلاۋ جۇرگىزۋ جوسپارلانعان. قالعان وبەكتىلەر جاڭا رەتتەۋ ەرەجەلەرىنە بايلانىستى تەكسەرىلۋگە جاتپايدى.
وكق سپيكەرى نەگىزىنەن مىناداي بۇزۋشىلىقتارعا جول بەرىلەتىنىن اتاپ ءوتتى:
- اۆتوماتتى ءورت دابىلدارىنىڭ بولماۋى،
- ەۆاكۋاسيا جولدارىندا جانعىش ماتەريالداردى،
- قالدىقتاردى، قاپتامالاردى ساقتاۋ؛
- قولدا بار اۆتوماتتى ءورت دابىلىنىڭ دۇرىس جۇمىس ىستەمەۋى،
- العاشقى ءورت ءسوندىرۋ قۇرالدارىنىڭ بولماۋى جانە ت. ب.
بريفينگكە قاتىسقان الماتى تجد مەملەكەتتىك ءورت باقىلاۋ باسقارماسىنىڭ باس مامانى، ازاماتتىق قورعاۋ مايورى دارىن مۇقانوۆ 2024 جىلعى 22-28 شىلدە ارالىعىندا الماتى قالاسىندا ساۋدا وبەكتىلەرىندە ورتتەردىڭ تۋىنداۋ ءقاۋپىن ازايتۋ ماقساتىندا "ءقاۋىپسىز ساۋدا" رەسپۋبليكالىق اكسياسى وتكىزىلگەنىن حابارلادى، ونىڭ شەڭبەرىندە 123 ساۋدا وبەكتىلەرىندە (سوو - 21، ءسۇ-68، بازارلار - 34) ءورت قاۋىپسىزدىگى سالاسىندا پروفيلاكتيكالىق ءىس-شارالار جۇرگىزىلدى.
جەرگىلىكتى اتقارۋشى ورگانداردىڭ، "اتامەكەن" ۇكپ وكىلدەرى مەن ەرىكتىلەر جۇمىلدىرىلدى.
35 000-نان استام ادامدى قامتي وتىرىپ، ساۋدا ورىن يەلەرى مەن جالعا الۋشىلارمەن 150-گە جۋىق كەزدەسۋلەر، نۇسقامالار، اڭگىمەلەر مەن تۇسىنىكتەمەلەر ۇيىمداستىرىلدى جانە وتكىزىلدى. جەدەل جوسپارلار مەن ءورت ءسوندىرۋ نۇسقامالارى تۇزەتىلدى.
سونداي-اق، "ياليان" بازارىندا ورت-تاكتيكالىق ساباعى وتكىزىلدى، ونىڭ ماقساتى ناقتى ءورت جاعدايىندا جەكە قۇرامنىڭ ىس-ارەكەتتەرىن پىسىقتاۋ بولدى.
ول كوپتەگەن نىسانداردا جاڭا رەتتەۋشى ساياساتقا بايلانىستى ورت-تەحنيكالىق تەكسەرۋلەر جۇرگىزىلمەگەنىن، وسىلايشا ازاماتتىق قورعاۋ ورگاندارى تاراپىنان باقىلاۋسىز قالاتىنىن ايتتى.
وسىعان بايلانىستى، بۇگىنگى كۇنى پروفيلاكتيكالىق باقىلاۋعا جاتپايتىن ساۋدا وبەكتىلەرىنىڭ باسشىلارىمەن ورت-تەحنيكالىق تەكسەرۋدى وزدەرىنىڭ باستاماسىمەن جۇرگىزۋ ماسەلەسى پىسىقتالۋدا. بۇل رەتتە، اكىمشىلىك ىقپال ەتۋ شارالارى قولدانىلمايدى، قورىتىندىسى بويىنشا ءتيىستى ۇسىنىمدار بەرىلەتىن بولادى.
سوڭىندا ماماندار تۇرعىنداردى ءورت قاۋىپسىزدىگى ەرەجەلەرىنىڭ تالاپتارىن ساقتاۋعا شاقىردى.