الماتى مەكتەپتەرىنىڭ بىرىندە جوعارى سىنىپ وقۋشىلارى ءۇشىن يننوۆاسيالىق كورپۋس اشىلدى، دەپ حابارلايدى Almaty-akshamy.kz
2023 جىلدىڭ 1 قىركۇيەگىنەن باستاپ شوقان ءۋاليحانوۆ اتىنداعى جەكەمەنشىك مەكتەپتە 7-11 سىنىپ وقۋشىلارى ءۇشىن يننوۆاسيالىق كورپۋس اشىلدى. ول 520 وقۋشىعا ارنالعان. مەكتەپ قازاق جانە ورىس تىلىندە وقيتىن 1-11 سىنىپ وقۋشىلارىنا بارلىعى 1320 وقۋ ورنىن ۇسىنادى.
جاڭا عيماراتتىڭ ەرەكشەلىگى، دامۋدىڭ 9 باعىتىن كوزدەيتىن جەكە باعىت اياسىندا وقۋشىلاردى دەربەس وقىتۋ. ءار باعىت بويىنشا مەكتەپ تۇلەكتەرى ءتيىستى سەرتيفيكاتتار، ديپلومدار مەن گراموتالار الادى.
يننوۆاسيالىق عيماراتتا 600 شارشى مەتر سپورت زالى، ۇلكەن كيىز ءۇي تۇرىندە سالىنعان 80 ورىندىق وزىق كىتاپحانا، 3 جوعارى جابدىقتالعان ءدارىس زالى، 360 گرادۋسقا ارنالعان LED ەكراندى امفيتەاتر، 400 ورىندىق اسحانا، حورەوگرافيا، دزيۋدو زالدارى، وقۋشىلاردىڭ دەمالۋىنا ارنالعان 10-نان استام شىعارماشىلىق ايماق، اسحانا جانە ت.ب. بار.
«يننوۆاسيالىق كورپۋستىڭ اشىلۋى مەكتەپ قۇرىلعالى جوسپارلانعان جاڭا باعىتتاعى تاعى ءبىر ماڭىزدى قادام. بۇل ءبىزدىڭ بىلىمگە دەگەن جەكە كوزقاراسىمىزعا، ءار وقۋشىنىڭ وزىندىك امبيسياسى مەن قاجەتتىلىگى بار ەرەكشە تۇلعا ەكەنىن تۇسىنۋگە دەگەن سەنىمىمىزدىڭ دالەلى. وقۋشىلار وزدەرىنىڭ كاسىبي سالاسىندا عانا ەمەس، سونىمەن قاتار، مادەني مۇرامىزدى ماقتان تۇتاتىن ۇيلەسىمدى تۇلعالارعا اينالا وتىرىپ، بارلىق جاعىنان دامي الاتىن وقۋ ورتاسىن قۇردىق»، - دەدى مەكتەپتىڭ نەگىزىن قالاۋشى اسەل تاسماعامبەتوۆا.
شوقان ءۋاليحانوۆ اتىنداعى جەكەمەنشىك مەكتەپ (Shoqan School) 2020 جىلدان باستاپ جۇمىس ىستەيدى. بۇل بارلىق حالىقارالىق ەكولوگيالىق ستاندارت بويىنشا سالىنعانىن كۋالاندىراتىن LEED سەرتيفيكاتىن العان تمد اۋماعىنداعى العاشقى ءارى جالعىز ءبىلىم بەرۋ نىسانى. 2023 جىلدان باستاپ مەكتەپ بىرىككەن ۇلتتار ۇيىمىنىڭ (UN Global Compact) جاھاندىق شارتىنىڭ تولىق مۇشەسى بولىپ تابىلادى.
ءبىلىم بەرۋ ۇدەرىسى ۇزدىك حالىقارالىق تاجىريبەلەر مەن ساپالى بىلىمگە تەڭ قولجەتىمدىلىكتى ەسكەرە وتىرىپ قۇرىلعان مەكتەپتىڭ نەگىزىن قالاۋشىلار ۇزدىك وقۋشىلارعا تەگىن وقۋعا گرانتتار بولەدى جانە ولاردى اقشالاي شاكىرتاقىمەن ىنتالاندىرادى.
قوسىمشا اقپارات الۋ ءۇشىن حابارلاسىڭىز:
كيم گۋزەل
PR مەنەدجەرى
+7 777 780 01 00
https://www.instagram.com/shoqan_school.kz/