4، 9 جانە 11 سىنىپ وقۋشىلارى ءۇشىن وقۋ جىلىنىڭ اياقتالۋىنا وراي سالتاناتتى ءىس-شارا وتكىزىلەدى.
بۇل اقپاراتتى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى ءبىلىم باسقارماسى باسشىسىنىڭ ورىنباسارى جانات ايتپايەۆا ايتتى، دەپ حابارلايدى Almaty-akshamy.kz.
ول مەگاپوليس تۇرعىندارىن الداعى وقۋ جىلىنىڭ اياقتالۋى تۋرالى حاباردار ەتتى. بيىلعى وقۋ جىلىن 313 مەكتەپتەر، 12 مەكتەپ-ينتەرناتتار جانە 85 تەحنيكالىق جانە كاسىپتىك ءبىلىم مەكەمەلەرى اياقتايدى. بۇل مەكەمەلەردىڭ بارلىعىندا 400 مىڭنان استام وقۋشىلار مەن تاربيەلەنۋشىلەر ءبىلىم الۋدا.
قازاقستان رەسپۋبليكاسى وقۋ-اعارتۋ مينيسترلىگىنىڭ بۇيرىعىنا سايكەس وقۋ جىلىنىڭ مەرزىمى 2023 جىلدىڭ 31 مامىرىندا اياقتالادى.
"سوڭعى ساباق كۇنى بارلىق مەكتەپتەر بەكىتىلگەن كەستەگە سايكەس ءوز ساباقتارىن جۇرگىزەدى جانە وقۋ كۇنىن سىنىپ ساعاتىن وتكىزۋمەن اياقتايدى. سىنىپ ساعاتىنىڭ ماقساتى – وقۋ جىلىن قورىتىندىلاۋ جانە جازعى دەمالىس كەزەڭىنە بالالاردى ازىرلەۋ"، - دەدى جانات ايتپايەۆا.
سىنىپ ساعاتتارىنىڭ سەنارييلەرىن پەداگوگتەر ءار سىنىپتىڭ جاس ەرەكشەلىكتەرىن ەسكەرە وتىرىپ، ءوز بەتىنشە ازىرلەيدى. سىنىپ ساعاتىندا وقۋ ءۇشىن كىتاپتار ءتىزىمىن، سونداي-اق قاراۋعا بولاتىن فيلمدەر ءتىزىمىن ۇسىنىپ، قاۋىپسىزدىك شارالارىن، الدىن الا جوسپارلانىپ ۇيىمداستىرىلعان دەمالىستىڭ ارتىقشىلىقتارىن، قوسىمشا ءبىلىم بەرۋ ۇيىمدارىنا قاتىسۋدىڭ تيىمدىلىگىن، ەڭبەك ەتۋدىڭ پايداسىن، اتا-اناعا، اتا-اجەلەرىنە كومەكتەسۋدىڭ قاجەتتىلىگىن جانە جازعى دەمالىس كەزەڭىندەگى قاۋىپسىزدىك شارالارى تۋرالى اڭگىمەلەۋ ۇسىنىلادى.
سىنىپ ساعاتىندا نەگىزىنەن پاتريوتيزم، وتاندى ءسۇيۋ، دوستىق، تاتۋلىق، ەل تاريحىنا، ساياسي رەپرەسسيا مەن اشتىق قۇرباندارىنىڭ ەسىمدەرىنە قۇرمەت تانىتۋ تاقىرىپتارىنا باسىمدىق بەرىلۋى كەرەك
"ءبىز وقۋ جىلىنىڭ اياقتالۋى بويىنشا سالتاناتتى ءىس-شارانى وتكىزۋگە قاتىستى بارلىق مەكتەپ داستۇرلەرىن قولداي وتىرىپ، مەكتەپتەردىڭ سالتاناتتى جيىن وتكىزۋ تۋرالى شەشىمنىڭ دەربەس قابىلداناتىنىن حابارلايمىز"، - دەپ تولىقتىردى قالالىق ءبىلىم باسقارماسىنىڭ وكىلى.
2022-2023 وقۋ جىلى 28 مىڭنان استام تۇلەك 9-سىنىپتاردى جانە 14 مىڭنان استام تۇلەك 11-سىنىپتاردى بىتىرۋدە.