الماتى قالاسىنىڭ 9-سىنىپ بىتىرۋشىلەر ءۇشىن قورىتىندى مەكتەپ ءبىتىرۋ ەمتيحاندارى 2 - 13 ماۋسىم ارالىعىندا وتەدى، ال 11-سىنىپ بىتىرۋشىلەر ءۇشىن مەملەكەتتىك ەمتيحاندار 5 – 19 ماۋسىم ارالىعىندا بولادى. اقپاراتتى وكق بريفينگىندە الماتى قالاسى ءبىلىم باسقارماسى باسشىسىنىڭ ورىنباسارى جانات ايتپايەۆا ايتتى. سونداي-اق، ول ءبىتىرۋ كەشىن قالاي وتكىزۋ ۇسىنىلعانىن ايتتى، دەپ حابارلايدى almaty-akshamy.kz
ەستەرىڭىزگە سالا كەتەيىك، ۇلتتىق ءبىرىڭعاي تەستىلەۋ (ۇبت) جىلىنا 4 رەت (قاڭتار-اقپان، ناۋرىز، مامىر-شىلدە، تامىز) وتكىزىلەدى. قازىرگى ۋاقىتتا 18 مامىردان 5 شىلدەگە دەيىن ءال-فارابي اتىنداعى قازۇۋ بازاسىندا وتكىزىلەدى.
جۋرناليستەردىڭ سۇراقتارىنا جاۋاپ بەرە وتىرىپ، جانات ايتپايەۆا تەحنيكالىق جانە كاسىپتىك ءبىلىم بەرۋ ۇيىمدارى ءۇشىن ديپلومداردى سالتاناتتى تۇردە تاپسىرۋ ءراسىمىن 28 ماۋسىم مەن 1 شىلدەارالىعىندا وتكىزۋ ۇسىنىلاتىنىن ايتتى.
جالپى ورتا ءبىلىم بەرۋ تۋرالى اتتەستاتتى 11-سىنىپ تۇلەكتەرىنە تاپسىرۋ سالتاناتىن ءوز مەكتەپتەرىنىڭ قابىرعاسىندا 20-22 ماۋسىمدا وتكىزۋدى ۇسىنىلادى.
"ءبىلىم باسقارماسى سىنىپ ساعاتتارى مەن سالتاناتتى جيىن ۇيىمداستىرۋ كەزىندە ديپلومدار مەن سەرتيفيكاتتاردى سالتاناتتى تۇردە تابىستاۋ بولاتىنىن ەسكە سالادى، پەداگوگيكالىق ەتيكانى ساقتاۋ جانە سىبايلاس جەمقورلىق قۇقىق بۇزۋشىلىقتاردىڭ الدىن الۋ ماقساتىندا ءىس-شارالاردى وتكىزۋگە، انيماتورلاردى، دەمالىس اگەنتتىكتەرىن، جەكە ستۋديالاردى تارتۋ ءۇشىن اتا-انالاردان قاراجات جيناۋعا جول بەرىلمەيدى. سونىمەن قاتار، مەكتەپ اكىمشىلىگى مەن مۇعالىمدەرگە سىيلىق رەتىندە قاراجات جيناۋعا تىيىم سالىنادى"، - دەپ اتاپ ءوتتى ءبىلىم باسقارماسى باسشىسىنىڭ ورىنباسارى.