بۇل كورسەتكىشتىڭ 3 300ء-ى بوستاندىق اۋدانىنا تيەسىلى بولىپ تۇر.
قالا باسشىسىنىڭ ايتۋىنشا، ازىرگە ورىن تاپشىلىعى ازايمايدى، ءبىراق بۇل ماسەلە ازىرلەنىپ جاتقان 2022-2024 جىلدارعا ارنالعان الماتى قالاسىن دامىتۋ جوسپارى ارقىلى شەشىلۋى مۇمكىن، دەپ حابارلايدى Almaty-akshamy.kz
بۇگىنگى تاڭدا الماتى مەكتەپتەرىندەگى ورىن تاپشىلىعى 19 مىڭنان اسادى (19 611 ورىن)، ونىڭ 3 300ء-ى - بوستاندىق اۋدانىندا. الماتى بالاباقشالارىنا 1-6 جاس ارالىعىنداعى كەزەك 41 200 ورىندى قۇرايدى، ونىڭ 2400ء-ى – بوستاندىق اۋدانىندا.
بۇل رەتتە بوستاندىق اۋدانىندا وسى جىلدىڭ 1 ساۋىرىندە 60 مەكتەپ (34 مەملەكەتتىك جانە 26 جەكە مەنشىك) جانە 75 بالاباقشا (30 مەملەكەتتىك جانە 45 جەكە مەنشىك) جۇمىس ىستەيدى.
«قازىرگى تاڭدا مەملەكەتتىك جەر قورىندا الەۋمەتتىك ينفراقۇرىلىمدى، سونداي-اق دەمالۋ ورىندارى مەن قوعامدىق كەڭىستىكتەردى سالۋ جانە كەڭەيتۋ ءۇشىن بوس جەر ۋچاسكەلەرى جوق ەكەنىن ايتۋعا ءماجبۇرمىن. وسى جاعدايدى ەسكەرە وتىرىپ، ءبىز بۇل پروبلەمالاردى تەك قۇرىلىس سالۋ نەمەسە كەڭەيتۋ نەمەسە عيماراتتار مەن جەر ۋچاسكەلەرىن جەكە مەنشىك يەلەرىنەن ساتىپ الۋ ارقىلى شەشەتىن بولامىز»، - دەدى دوسايەۆ.
ول ءۇشىن اكىمدىك قازىرگى 1 320 ورىندى مەكتەپتەرگە 5 قوسىمشا قۇرىلىس سالۋدا، سونىڭ ىشىندە كۇنتىزبەلىك جىلدىڭ سوڭىنا دەيىن 1020 ورىندىق 4 جاپسارجاي (№125،146، 191 مەكتەپتەر جانە №9 ارناۋلى ينتەرنات) پايدالانۋعا بەرىلەدى. № 65 مەكتەپكە 300 ورىندى 1 جاپسارجاي 2023 جىلدىڭ 3ء-شى توقسانىندا بەرىلەدى.
سونداي-اق، ءبىز ءقازىر جەكە مەنشىك كوللەدجگە تيەسىلى №94 مەكتەپ عيماراتىنىڭ ءبىر بولىگىن ساتىپ الۋىمىز قاجەت، بۇل قوسىمشا 600 وقۋشى ورنىن قامتاماسىز ەتەدى.
بۇل رەتتە اۋداندا وقۋ جىلىنىڭ باسىندا جاڭادان مەكتەپكە كەلەتىن وقۋشى سانى شامامان 1000 بالانى قۇرايتىنىن ەسكەرۋ قاجەت.
«ازىرگە ورىن تاپشىلىعى ازايمايدى، ءبىراق بۇل ماسەلەنى ازىرلەنىپ جاتقان 2022-2024 جىلدارعا ارنالعان الماتى قالاسىن دامىتۋ جوسپارى ارقىلى شەشۋگە كۇش-جىگەرىمىزدى سالامىز»، - دەدى قالا اكىمى.