الماتى قالاسى ءماسليحاتى دەپۋتاتتارىنىڭ باستاماسىمەن، ءتورت ساياسي پارتيالاردىڭ دەپۋتاتتارى كەزدەسۋ ۇيىمداستىردى.
باسقوسۋدا پرەزيدەنت قاسىم-جومارت توقايەۆتىڭ باستاماسىمەن جاڭا قازاقستاننىڭ بەرىك قۇقىقتىق ىرگەسىن قالاۋعا باعىتتالعان كونستيتۋسياعا تۇزەتۋلەر پاكەتىنىڭ ستراتەگيالىق ماڭىزدىلىعى مەن ۋاقتىلىعى اتاپ ءوتىلدى.
كەزدەسۋدە ءماسليحات حاتشىسى ستانيسلاۆ كانكۋروۆ، پارتيا فراكسيالارى مەن تۇراقتى كوميسسيالاردىڭ باسشىلارى راحات شيماشيەۆا، كوپەسباي جامپييسوۆ، اليبەك شاپەنوۆ، ماحامبەت حاسەنوۆ جانە باسقا دا دەپۋتاتتار ءسوز سويلەدى.
اتا زاڭعا تۇزەتۋلەر قابىلدانعان جاعدايدا ءماسليحاتتاردىڭ حالىق مۇددەسىن بىلدىرەتىن وكىلەتتىگى ارتتىرىلادى. سونداي-اق، «وبلىس اكىمدەرىنىڭ جاناما سايلاۋىن» ەنگىزۋ جوسپارلانۋدا، وندا پرەزيدەنت ەكى كانديداتتى ۇسىناتىن بولادى. ال اكىمدەر وبلىس اۋماعىنداعى ماسليحاتتارمەن سايلانادى.
«بۇگىن ءبىز ءماسليحاتقا ۇسىنىلعان دەپۋتاتتىق فراكسيالار مەن تۇراقتى كوميسسيالار باسشىلارىنىڭ وتىرىسىن وتكىزدىك، وندا دەپۋتاتتار كونستيتۋسياعا وزگەرىستەر ەنگىزۋ ماسەلەلەرى بويىنشا رەفەرەندۋم وتكىزۋگە بايلانىستى مەملەكەت باسشىسىنىڭ رەفورمالارىنا ءبىراۋىزدان قولداۋ ءبىلدىردى. سونىمەن قاتار، الماتى قالاسىنىڭ دەپۋتاتتارى الداعى رەفەرەندۋمعا قاتىستى قالا تۇرعىندارىمەن 100-دەن استام كەزدەسۋ وتكىزگەنىن اتاپ ءوتۋ قاجەت. وسى ءىس - شارالار بارىسىندا ازاماتتار مەملەكەت باسشىسىنىڭ باستامالارىنا بەلسەندى تۇردە قولداۋ بىلدىرۋدە»، - دەدى ءماسليحات حاتشىسى ستانيسلاۆ كانكۋروۆ.
سونىمەن قاتار، «قازاقستان رەسپۋبليكاسىنداعى جەرگىلىكتى ءوزىن-وزى باسقارۋ تۋرالى» جەكە زاڭ ازىرلەنۋدە. وسى زاڭدى نەگىزگە الا وتىرىپ، جەرگىلىكتى ءوزىن-وزى باسقارۋ وكىلەتتىكتەرى، پروسەستەردى دە-بيۋروكراتيزاسيالاۋ كەڭەيتىلەدى جانە مەملەكەتتىك ورگاندار مەن ءماسليحاتتاردىڭ تيىمدىلىگى ارتادى.
تۇزەتۋلەر پاكەتىنە سايكەس ءماسليحات دەپۋتاتتارىنىڭ 50% تۇرعىنداردىڭ تىكەلەي داۋىسىمەن سايلاناتىن بولادى.
5 ماۋسىمدا ءبىزدىڭ ەلىمىزدە مەملەكەتتىك باسقارۋ جۇيەسىن جانە جالپى قوعامدىق قاتىناستاردى قايتا قۇرۋعا اكەلەتىن نەگىزگى زاڭعا تۇبەگەيلى وزگەرىستەر ەنگىزۋ جوسپارلانۋدا. رەفەرەندۋمعا كونستيتۋسيانىڭ 33 بابى ەنگىزىلدى، ولار اۋقىمدى ءارى وزەكتى رەفورمالاردى بىلدىرەدى. مەملەكەت باسشىسى قازاقستان «ەكىنشى رەسپۋبليكانىڭ» الدىندا تۇرعانىن ايتتى. بۇل وزگەرىستەر ەلدىڭ بۇكىل ساياسي جۇيەسى مەن قوعامعا قاتىستى بولادى.
ەستەرىڭىزگە سالا كەتەيىك، مەملەكەت باسشىسى قازاقستان حالقىنا جولداۋىندا قازاقستاننىڭ «سۋپەرپرەزيدەنتتىك» مودەلدەن «پرەزيدەنتتىك» مودەلگە كوشۋىن جاريالادى. شەكتەۋلەردىڭ ءبىرى - پرەزيدەنتتىڭ ءوز وكىلەتتىكتەرىن جۇزەگە اسىرۋ كەزىندە ساياسي پارتياعا كىرۋىنە تىيىم سالۋ. كەلەسى - پرەزيدەنتتىڭ جاقىن تۋىستارىنا ساياسي مەملەكەتتىك قىزمەتشىلەر، كۆازيمەملەكەتتىك سەكتور سۋبەكتىلەرىنىڭ باسشىلارى لاۋازىمدارىن اتقارۋعا تىيىم سالۋ. «جەر جانە ونىڭ قويناۋى، سۋ، وسىمدىكتەر مەن جانۋارلار دۇنيەسى، باسقا دا تابيعي رەسۋرستار حالىق مەنشىگىندە. حالىق اتىنان مەنشىك قۇقىعىن مەملەكەت جۇزەگە اسىرادى» - دەپ ەل پرەزيدەنتى ايتتى. وسى وزگەرىستەردىڭ بارلىعى دەموكراتيا مەن ادىلەتتىلىكتىڭ پرينسيپتەرى مەن قۇندىلىقتارىن ۇستاناتىندىعىن دالەلدەيدى.
الداعى رەفەرەندۋم جالپىۇلتتىق قاتىسۋدى، ياعني ەل ازاماتتارىنىڭ ءارقايسىسىنىڭ جاڭا ءارى ادىلەتتى قازاقستاندى قۇرۋعا اتسالىسۋىن قامتاماسىز ەتەدى.