اپتانىڭ باسىندا قازاقستاندا جاڭا اۆتوكرەديت باعدارلاماسى ىسكە قوسىلدى.
ءقازىر بۇل باعدارلاماعا رەسپۋبليكالىق بيۋدجەتتەن قارجى جۇمسالىپ جاتقان جوق، دەپ حابارلايدى Almaty-akshamy.kz
«ءبىز ءقازىر مىنا 100 ميللياردتان باسقا رەسپۋبليكالىق بيۋدجەتتەن قوسىمشا اقشا بولەمىز بە دەپ وتىرمىز. ءبىزدىڭ قارجىلىق-ەكونوميكالىق نەگىزدەمەمىز بويىنشا 150 ميلليارد بولىپ تۇر. ونى جىل سايىن 30 ميللياردتان بولەمىز دەگەن وي بار. ءبىراق ول اقشانى بەرە مە، بەرمەي مە، ازىرگە بەلگىسىز»، - دەدى ق ر يندۋستريا جانە ينفراقۇرىلىمدىق دامۋ ۆيسە-مينيسترى مارات قارابايەۆ.
ال قارجى ءمينيسترى ەرۇلان جاماۋبايەۆ ونداي ءوتىنىمنىڭ ءالى تۇسپەگەنىن ايتتى.
«ءقازىر رەسپۋبليكالىق بيۋدجەتتەن وسى باعدارلاماعا ءبىر تيىن دا جۇمسالىپ جاتقان جوق. بارلىعى - بۇرىنعى وپەراتور روپ-تا جينالعان اقشا. سونى بۇرىپ جاتىرمىز. ال رەسپۋبليكالىق بيۋدجەتتەن قوسىمشا قارجى ءبولۋ تۋرالى ءوتىنىم تۇسكەن جوق»، - دەدى جاماۋبايەۆ.
ايتا كەتەرى، وسى اپتانىڭ باسىندا قازاقستاندا جاڭا اۆتوكرەديت باعدارلاماسى ىسكە قوسىلدى. ءبىراق بۇرىنعى باعدارلاما بويىنشا جەڭىلدەتىلگەن كرەديتتەر دە بەرىلەدى.