وقيعا كۋاگەرلەرى الماتى ماڭىنداعى كوكنار القابىندا جۇرگەن BMW كولىگىن ۆيدەوعا ءتۇسىرىپ الدى.
الەۋمەتتىك جەلىدە BMW تۇسىرىلگەن ۆيدەو تاراپ جاتىر. كادرلاردا كولىك جۇرگىزۋشىسى گۇلدەر القابىندا اينالىپ جۇرگەنى كورسەتىلگەن، دەپ حابارلايدى Almaty-akshamy.kz Astanatv.kz-كە سىلتەمە جاساپ.
«مەن وعان ەسكەرتكەن ەدىم، ول: "وزگەنىڭ ىسىنە ارالاسپا"، - دەپ جاۋاپ بەردى. سوسىن مۇنىڭ ءبارىن نەگە ءبۇلدىرىپ جاتقانىن سۇرادىم. ول: "قالاعانىمدى ىستەيمىن" دەدى مە، سول سياقتى بىردەڭە دەپ جاۋاپ بەردى»، - دەيدى ۆيدەو سىرتىنداعى داۋىس.
ۆيدەونىڭ سيپاتتاماسىندا وقيعا تالدىقورعان-قونايەۆ تاسجولى ماڭىنداعى ارقارلى اسۋى مەن شەڭگەلدى اۋىلى اراسىنداعى گۇلدەر القابىندا بولعانى ايتىلعان.