"قازگيدرومەت" رمك ۇسىنعان مالىمەت بويىنشا، اتموسفەرالىق فرونتالدى بولىكتەردىڭ وتۋىمەن رەسپۋبليكانىڭ باتىسىندا، سولتۇستىگىندە، وڭتۇستتىك پەن وڭتۇستىك-شىعىستىڭ تاۋلى ايماقتارىندا نايزاعاي ويناپ، جاڭبىر جاۋادى، رەسپۋبليكانىڭ قالعان بولىگىندە سولتۇستىك انتيسيكلون سىلەمىنىڭ اسەرىنەن كۇن اشىق بولادى.
قازاقستان بويىنشا جەل كۇشەيىپ، باتىستا جانە وڭتۇستىكتە شاڭدى داۋىل تۇرادى.
اتىراۋ وبلىسىنىڭ باسىم بولىگىندە، پاۆلودار وبلىسىنىڭ شىعىسىندا، قىزىلوردا وبلىسىنىڭ ورتالىعىندا، شىعىسىندا، قاراعاندى وبلىسىنىڭ شىعىسىندا، ۇلىتاۋ وبلىسىنىڭ ورتالىعىندا، اقتوبە وبلىسىنىڭ وڭتۇستىك-باتىسىندا، قوستاناي وبلىسىنىڭ باسىم بولىگىندە توتەنشە ءورت ءقاۋپى بار.
استانادا – كوشپەلى بۇلت شىعادى، اۋىق-اۋىق جاڭبىر جاۋادى، نايزاعاي وينايدى. سولتۇستىك-شىعىستان سوعاتىن جەلدىڭ كۇشى 9-14، كۇندىز ەكپىنى 15-20 م/س. اۋا تەمپەراتۋراسى تۇندە +10+12°س، كۇندىز +20+22°س.
الماتىدا – كوشپەلى بۇلت شىعادى، جاۋىن-شاشىنسىز. جەل 0-5 م/س. اۋا تەمپەراتۋراسى تۇندە +10+12°س، كۇندىز +23+25°س.