قۇرىلتاي ونلاين فورماتتا وتەدى.
سەزد پرەزيدەنت، پارتياسى ءتوراعاسى قاسىم-جومارت توقايەۆتىڭ قاتىسۋىمەن وتەدى. ەرتەڭ Nur Otan ساياسي كەڭەسىنىڭ قۇرامىنا وزگەرىستەر ەنگىزۋ ماسەلەسى قارالادى. بۇل تۋرالى پارتيانىڭ اتقارۋشى حاتشىسى اسحات ورالوۆ ايتتى، دەپ حابارلايدى Almaty-akshamy.kz.
«وزدەرىڭىز بىلەتىندەي، ەرتەڭ مەملەكەت باسشىسى، پارتيا ءتوراعاسى قاسىم-جومارت توقايەۆتىڭ توراعالىعىمەن ونلاين فورماتتا Nur Otan پارتياسىنىڭ كەزەكتەن تىس XXII سەزى وتەدى. ونىڭ جۇمىسىنا ەلىمىزدىڭ ءار وڭىرىنەن 399 دەلەگات قاتىسادى. بۇگىن پارتيانىڭ ساياسي كەڭەسىنىڭ قاۋلىسىمەن سەزدىڭ كۇن ءتارتىبى بەكىتىلدى»، - دەپ جازدى پارتيانىڭ اتقارۋشى حاتشىسى اسحات ورالوۆ Facebook-تەگى جەكە پاراعىندا.
ونىڭ ايتۋىنشا، قۇرىلتاي بارىسىندا پارتيانىڭ ساياسي كەڭەسىنىڭ قۇرامىنا وزگەرىستەر ەنگىزۋ جانە Nur Otan پارتياسىنىڭ مودەرنيزاسياسىنا قاتىستى ماسەلەلەر قارالادى.