الماتىدا قالالىق جۇك تاسىمالى، ماگيسترالدىق جەلى جانە كولىك پوليسياسىنىڭ وكىلدەرى وقۋشىلاردى تەمىرجولداعى قاۋىپسىزدىك ەرەجەلەرىن ساقتاۋعا شاقىردى.
مامانداردىڭ ايتۋىنشا، بيىلعى جىلدىڭ 9 ايىندا الماتى قالاسى ماڭىندا پويىز 9 رەت ادام باسىپ، ونىڭ 5-ەۋى قازا تاپقان، دەپ حابارلايدى Almaty-akshamy.kz قازاقپاراتقا سىلتەمە جاساپ.
«2022 جىلدىڭ 9 ايىندا الماتى ءوڭىرىنىڭ (الماتى-1، الماتى-2، بۇرىنداي، شامالعان، بايسەركە، قايرات ستانسيالارى) شەكارالارىندا لوكوموتيۆ بريگادالارى بوگدە ادامداردىڭ تەمىرجولعا شىعىپ كەتۋىنە بايلانىستى 132 رەت شۇعىل تەجەۋدى قولداندى. بۇل رەتتە، ادام باسۋدىڭ 9 جاعدايىنا جول بەرىلگەن، ونىڭ ىشىندە 5 جاعداي ولىممەن اياقتالدى. نەگىزگى سەبەپ – زارداپ شەككەندەردىڭ قاۋىپسىزدىك شارالارىن ساقتاماۋى. جولدى قىسقارتۋ ءۇشىن ولار تەمىرجول جەلىلەرىن بەلگىلەنبەگەن جەرلەردە، جاقىنداپ قالعان پويىزدىڭ الدىنان كەسىپ وتپەك بولعان. جاپا شەككەندەردىڭ ءبىرىنىڭ الكوگولدىك ىشىمدىك ىشكەنى، ال ەكىنشىسىنىڭ سۋيسيد جاساۋ فاكتىسى انىقتالدى»، - دەدى ماماندار.
ولار سونداي-اق، وقۋشىلاردى قاۋىپسىزدىك ەرەجەلەرىن ساقتاۋعا شاقىرىپ، تەمىرجول نىساندارىندا گادجەتتەردى، قۇلاققاپتاردى پايدالانباۋعا، ۆاگون توبەسىنە شىعىپ ەلەكتر توعىنا ءتۇسىپ قالماۋعا، تەمىرجول كوپىرلەرىنىڭ مەتالل كونسترۋكسيالارىنا كوتەرىلمەۋگە كەڭەس بەردى. سونداي-اق، جاسوسپىرىمدەرگە ءقاۋىپتى جەرلەردە الەۋمەتتىك جەلىلەرگە ارنالعان بەينەروليكتەر تۇسىرمەۋدى ەسكەرتتى.