تاۋلى ايماقتاردا قاتتى جاۋىن-شاشىن بولادى.
«قازگيدرومەت» ماماندارى 27-29 قازان كۇندەرى اۋا رايى قانداي بولاتىنىن بولجادى، دەپ حابارلايدى Almaty-akshamy.kz.
قازاقستاننىڭ سولتۇستىگىندە، شىعىستا جاۋىن-شاشىن بولادى، سونداي-اق ەلىمىزدىڭ شىعىس بولىگىندە دە جاۋىن-شاشىندى اۋا رايى(جاڭبىر، قار) ساقتالادى.
"اپتانىڭ ورتاسىندا سولتۇستىك-باتىس انتيسيكلونى باتىس وبلىستارعا، ودان كەيىن قازاقستان اۋماعىنىڭ باسىم بولىگىنە اۋىسادى، ونىمەن جاۋىن-شاشىننىڭ توقتاۋى جانە اۋا تەمپەراتۋراسىنىڭ تومەندەۋى كۇتىلەدى"، - دەلىنگەن مامانداردىڭ بولجامىندا.
28 قازاننان باستاپ ەلىمىزدىڭ باتىسى سيكلون ويپاتىنىڭ ىقپالىندا بولادى. سوندىقتان ەلىمىزدە جاۋىن-شاشىندى اۋا رايى بولادى. 27-28 قازاندا رەسپۋبليكانىڭ وڭتۇستىك-شىعىسىندا اتموسفەرالىق فرونتالدى جۇيەلەردىڭ وتۋىمەن جاۋىن-شاشىن جاۋادى: تاۋلى ايماقتاردا قاتتى جاۋىن-شاشىن سونداي-اق كوكتايعاق كۇتىلەدى. ال رەسپۋبليكا بويىنشا جەلدىڭ كۇشەيۋى، باتىستا، سولتۇستىكتە جانە شىعىستا كوكتايعاق، تۇمان كۇتىلەدى.