ق ر تجم "سومە" سەيسميكالىق ستانسيالار جەلىسى 2022 جىلعى 13 قىركۇيەك كۇنى الماتى ۋاقىتىمەن ساعات 18:44-تە جەر سىلكىنىسىن تىركەدى، دەپ حابارلايدى Almaty-akshamy.kz.
الماتى وبلىسى ءتجد-نىڭ مالىمەتىنشە، جەر سىلكىنىسىنىڭ ەپيسەنترى الماتى قالاسىنان باتىسقا قاراي 90 كم جەردە الماتى وبلىسى ەنبەكشىقازاق اۋدانىنىڭ اۋماعىندا (قاراتۇرىق اۋىلىنان 30 كم قاشىقتىقتا) ورنالاسقان.
«جەر سىلكىنىسىنىڭ ەنەرگەتيكالىق كلاسى 8.7. MPV ماگنيتۋداسى 4.3. ەپيسەنتردىڭ كوورديناتتارى 43.43° س.ە. 77.97° ش.ب. تەرەڭدىگى 20كم. سەزىلەتىندىگى تۋرالى مالىمەتتەر (مЅك-64 شكالاسى بويىنشا): جوق»،-دەلىنگەن حابارلامادا.
الماتى وبلىسى تج دەپارتامەنتى اقپاراتتى العاننان كەيىن جەرگىلىكتى اتقارۋشى ورگانداردى، پوليسيا دەپارتامەنتىن، قازسەلدەنقورعاۋ، پروكۋراتۋرا جانە باسقا دا ۇيىمداردى حاباردار ەتكەن، سەنىپ تاپسىرىلعان اۋماقتارداعى جاعداي ناقتىلانۋدا، قيراۋلار مەن قۇرباندار تۋرالى حابارلامالار تۇسپەگەن.
الماتى وبلىسىنىڭ تجد جەر سىلكىنىسى كەزىندەگى ارەكەتتەردىڭ ءتارتىبى تۋرالى ەسكەرتەدى:
- عيماراتتان شىعىڭىز (ءسىزدىڭ يەلىگىڭىزدە 15-20 سەكۋند)؛
- جوعارعى قاباتتاردا قالعان جاعدايدا بالانى قۇشاقتاپ الىپ، ەسىك ويىعىنىڭ ورنىنا نەمەسە ىرگەلى قابىرعالاردان قۇرالعان بۇرىشتا ورىن الىپ تۇرىڭىز؛
- ەشقانداي جاعدايدا تەرەزە جانىندا تۇرماڭىز جانە بالكونداردان سەكىرمەڭىز.
- عيماراتتاردان، قۇرىلىستاردان، باعانالار مەن قورشاۋلاردان الىستاپ تۇرىڭىز؛
- ۇيگە كىرمەڭىز: دۇمپۋلەر قايتالانۋى مۇمكىن؛
- جەدەلساتىنى پايدالانباڭىز؛
- سىرىڭكە، شام جاعۋعا بولمايدى؛
- سىمدارعا قول تيگىزبەڭىز؛
- زارداپ شەككەندەرگە العاشقى كومەك كورسەتىڭىز.