بيىل الماتىلىق قۇتقارۋشىلار 1،8 مىڭ ءورتتى جويۋ جۇمىستارىن جۇزەگە اسىردى
اۋەزوۆ اۋدانىنداعى بەس قاباتتى ءۇيدىڭ قابىرعاسىندا ءورت ءسوندىرۋشى-قۇتقارۋشى بەينەلەنگەن مۋرال پايدا بولدى، دەپ حابارلايدى Almaty-akshamy.kz.
"حالىقتىق قاتىسۋ بيۋدجەتى-2022" باعدارلاماسىن ىسكە اسىرۋ، سونداي-اق جيىلەپ كەتكەن تابيعي ورتتەردى الدىن الۋ شارالارى اياسىندا اۋەزوۆ اۋدانى اكىمىنىڭ اپپاراتى الماتى قالاسى تج باسقارماسىمەن بىرلەسىپ تاقىرىپتىق مۋرال بەينەلەۋ تۋرالى شەشىم قابىلدادى.
وسى جىلدىڭ 8 ايىندا عانا الماتىلىق قۇتقارۋشىلار 1،8 مىڭ ءورتتى جويۋ جۇمىستارىن جۇزەگە اسىردى، تج ورىندارىنان 327 ادام ەۆاكۋاسيالاندى، ءورت كەزىندە جانە قالانىڭ سۋ ايدىندارىندا 144 ادام ءومىرىن ساقتاپ قالدى، ونىڭ ىشىندە 17 بالا!
ءورت ءسوندىرۋشى-قۇتقارۋشى بەينەلەنگەن مونۋمەنتالدى كەسكىندەمە وبەكتىسى شالياپين مەن ساين كوشەلەرىنىڭ قيىلىسىنداعى بەس قاباتتى ءۇيدىڭ قاسبەتىن بەزەندىردى.
«كومپوزيسيادا ەرلىك پەن باتىلدىقتىڭ سيمۆولى بولىپ تابىلاتىن ءورت اپاتىمەن كۇرەسەتىن قازاق باتىرىنىڭ بەينەسى باستى ورىن الدى. مۋرال-كۇن سايىن ءوز ءومىرىن قاتەرگە تىگىپ، ازاماتتاردىڭ قاۋىپسىزدىگىن قامتاماسىز ەتەتىن ءورت ءسوندىرۋشى - قۇتقارۋشىلاردىڭ ەرەن ەڭبەگىنىڭ ايقىن نىشانىنا اينالدى»،-دەيدى الماتى ءتجد-تى.
مۇرالدى قۇرۋ يدەياسى-حالىقتىڭ نازارىن ءورت قاۋىپسىزدىگى ەرەجەلەرىن ساقتاۋعا اۋدارۋ، قوعامدا تىرشىلىك قاۋىپسىزدىگى مادەنيەتىن قالىپتاستىرۋ، ءورت ءسوندىرۋشى-قۇتقارۋشى ماماندىعىنىڭ ءيميدجىن ارتتىرۋ.