ق ر توتەنشە جاعدايلار مينيسترلىگىنە قاراستى «سەيسمولوگيالىق تاجىريبە-ادىستەمەلىك ەكسپەديسياسى» جشس-نىڭ سەيسميكالىق ستانسالار جەلىسى 6 قازان كۇنى ساعات 00.43-تە جەر سىلكىنىسىن تىركەدى، دەپ حابارلايدى Almaty-akshamy.kz.
جەراستى ءدۇمپۋىنىڭ وشاعى الماتى قالاسىنان وڭتۇستىك-شىعىسقا قاراي 212 شاقىرىم جەردە، قىرعىزستان اۋماعىندا ورنالاستى.
ەنەرگەتيكالىق ساناتى – 9.9. MPV ماگنيتۋداسى – 4.2. ەپيسەنتر كوورديناتتارى – 42.00° س.ە. 79.93° ش.ب. تەرەڭدىگى – 15 شاقىرىم. مSك-64 باعانى بويىنشا تەربەلىستىڭ سەزىلۋى تۋرالى مالىمەت تۇسپەگەن.
ەسكە سالايىق، 1 قازاندا الماتىلىقتار جەر سىلكىنىسىن سەزىنگەن بولاتىن. جەراستى ءدۇمپۋى تۇنگى ساعات 03:30-دا تىركەلدى.
«زاقىم بولعان نەمەسە قيراعان جاعداي بايقالعان جوق، احۋال تۇراقتى. «112» جانە «101» جۇيەلەرىنە تۇرعىنداردان قوڭىراۋ تۇسكەن جوق.
«سەيسمولوگيالىق تاجىريبە ادىستەمەلىك ەكسپەديسياسى» مم سەيسميكالىق ستانسيالار جەلىسىنىڭ دەرەگىنشە، ءزىلزالا وشاعى الماتى قالاسىنان وڭتۇستىككە قاراي 122 شاقىرىم جەردە قىرعىزستان جەرىندە ورنالاستى»، – دەلىنگەن ەدى توتەنشە جاعدايلار دەپارتامەنتىنىڭ مالىمەتىندە.