ءقازىر وڭىردە مال ازىعىن دايىنداۋ ءىسى قارقىندى ءجۇرىپ جاتىر.
الماتى وبلىسىنىڭ بەلسەندىلەرى ماڭعىستاۋ وبلىسىنىڭ فەرمەرلەرىنە گۋمانيتارلىق كومەك رەتىندە 42 ۆاگون ءشوپ، 1 ۆاگون مال جەمىن جونەلتتى، - دەپ حابارلايدى Almaty-akshamy.kz وبلىستىق اكىمدىكتىڭ باسپا ءسوز قىزمەتىنە سىلتەمە جاساپ.
وبلىستىق اۋىل شارۋاشىلىعى باسقارماسىنىڭ مالىمەتىنشە، وبلىس بەلسەندىلەرىنىڭ كۇشىمەن «قازاقستان تەمىر جولى» ۇك» اق مەن «جەتىسۋ» اكك تاراپىنان 32 ۆاگون ءشوپ پەن 1 ۆاگون مال جەمى جيناقتالىپ جىبەرىلدى. سونىمەن قاتار پانفيلوۆ اۋدانىنىڭ بەلسەندىلەرى دە 10 ۆاگون ءشوپ قوسىمشا جونەلتتى.
اۋىل شارۋاشىلىعى باسقارماسىنىڭ مالىمەتىنە سۇيەنسەك، الماتى وبلىسىندا مال ازىعى جەتكىلىكتى بولادى.