سوڭعى تاۋلىكتە ىندەتكە شالدىققان 477 وبلىس تۇرعىنىنىڭ 68ء-ى مەكتەپ جاسىنداعى بالالار.
الماتى وبلىسىندا كورونوۆيرۋس جۇقتىرعاندار سانى كۇرت كوبەيدى، دەپ حابارلايدى Almaty-akshamy.kz «حابار 24» سايتىنا سىلتەمە جاساپ.
مامانداردىڭ ايتۋىنشا، مۇنداي جاعداي ءتىپتى وتكەن جىلى دا بولماعان. سىرقاتتانعاندار كورسەتكىشىنىڭ ءوسۋى سوڭعى ەكى اپتادا 0،9 پروسەنتتەن 1 پروسەنتكە جەتتى. نەگىزىنەن الاكول، بالقاش، ەسكەلدى، قاراتال، كەربۇلاق، پانفيلوۆ، سارقان جانە كەگەن اۋداندارىندا ءوسىم كورسەتكىشى ساقتالىپ وتىر.
ايتا كەتەيىك، ايماقتا بىلتىردان بەرى 38 مىڭنان اسا ادامنان كورونوۆيرۋستىق ينفەكسيانىڭ بەلگىلەرى بايقالعان.
«بىلتىر كارانتين باستالعالى ادامدار كارانتين تالاپتارىن ساقتاپ، توي جاساماپ ەدى. بيىل ءورشىپ بارا جاتقانىنا قاراماستان توي جاساپ جاتىر. بىزدە ءقازىر مونيتورينگتىك توپتار جۇمىس ىستەپ جاتىر. ولار توي جاساۋعا قاتىستى كۇنىنە 3-4 جاعداي تىركەپ جاتىر. ول ءبىر تويدا ەكى ءجۇز، ءۇش ءجۇز ادامنان كەلەدى»، - دەدى وبلىستىق سانيتاريالىق-ەپيدەميولوگيالىق باقىلاۋ دەپارتامەنتىنىڭ باسپا ءسوز حاتشىسى ءاليا شاعياحمەت.