ءبىرىنشى جارتىجىلدىقتىڭ قورىتىندىسى بويىنشا 508 مۇلىكتىك جالداۋ شارتى جاسالدى. 2021 جىلدىڭ 1 شىلدەسىندەگى ءتۇسىم 299،1 ميلليون تەڭگەنى قۇرايدى، ال جوسپار 405،6 ميلليون تەڭگە نەمەسە 73،7%-دى قۇرايدى.
وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى مەملەكەتتىك اكتيۆتەر باسقارماسىنىڭ باسشىسى سەرىك يبرايەۆ شاعىن جانە ورتا بيزنەس ءۇشىن رەسپۋبليكالىق جانە مۋنيسيپالدى نىسانداردا جىلجىمايتىن مۇلىكتى جالداۋ اقىسىن توقتاتا تۇرۋ تۋرالى ەل پرەزيدەنتى تاپسىرماسىنىڭ قالاي ورىندالىپ جاتقانى تۋرالى ايتتى، دەپ حابارلايدى Almaty-akshamy.kz
«تۇبىرتەكتىڭ تۇسپەۋىنە «مەملەكەتتىك مۇلىكتى مۇلىكتىك جالداۋعا بەرۋ ەرەجەسىنە» وزگەرىستەردىڭ ەنگىزىلۋى سەبەپ بولدى، شاعىن جانە ورتا بيزنەس سۋبەكتىلەرى ءۇشىن 2020 جىلدىڭ 20 ماۋسىمىنان باستاپ 2021 جىلدىڭ 30 ماۋسىمى ارالىعىندا جالعا الۋ تولەمدەرى ەسەپتەلمەدى»، - دەپ ءتۇسىندىردى سەرىك يبرايەۆ.
2021 جىلدىڭ 1 قاڭتارىنان 30 ماۋسىم ارالىعىندا الماتى مەملەكەتتىك اكتيۆتەرى باسقارماسى شاعىن جانە ورتا بيزنەس سۋبەكتىلەرىمەن جالعا الۋ تولەمدەرىن توقتاتۋ بويىنشا 350 قوسىمشا كەلىسىم-شارت جاسادى. بۇل رەتتە تۇسىمدەردىڭ كىرىس بولىگى 792،11 ميلليون تەڭگەنىڭ جىلدىق جوسپارىنان 360،8 ميلليون تەڭگەگە دەيىن تومەندەدى.
سەرىك يبرايەۆ توقتاتىلعان جالداۋ اقىسىنىڭ ىقتيمال قايتارىلۋىنا قاتىستى قوسىمشا كەلىسىم جاساعان مەملەكەتتىك مۇلىكتى جالعا الۋشىلارعا قاتىستى ماجبۇرلەۋ شارالارىنىڭ قولدانىلمايتىنىن اتاپ ءوتتى.