الماتى قالاسى بويىنشا سوڭعى 5 تاۋلىك ىشىندە 110 جاعدايدان تاۋلىگىنە 217 جاعدايعا دەيىن ءوستى.
سانيتارلىق-ەپيدەميولوگيالىق باقىلاۋ دەپارتامەنتىنىڭ اقپاراتى بويىنشا، الماتى قالاسىنداعى جالپى رەسپۋبليكا بويىنشا مۋتاسيالانعان شتامداردىڭ تارالۋىنا بايلانىستى كۇردەلى ەپيدەميولوگيالىق جاعداي قالىپتاسىپ وتىر، دەپ حابارلايدى Almaty-akshamy.kz.
وسى جىلدىڭ 26 ماۋسىمىندا كوروناۆيرۋستىق ينفەكسيا اۋرۋى بويىنشا ەپيدەميولوگيالىق جاعدايدى باعالاۋ ماتريساسىنا سايكەس، 4 ءوڭىر "قىزىل" ايماققا كىردى. ولار - اتىراۋ، قاراعاندى، باتىس قازاقستان وبلىستارى مەن الماتى قالاسى.
سوڭعى ەكى اپتادا بەتپەردە مەن قاشىقتىق رەجيمدەردىڭ ساقتالماۋى، حالىقتىڭ ۆاكسيناعا قارسىلىعى سالدارىنان R سانىنىڭ (جۇقتىرۋ كورسەتكىشى) 0،7-دەن 1،197-گە دەيىن ءوسۋى بايقالدى. وسى جاعدايعا بايلانىستى الماتى قالاسىنىڭ باس مەملەكەتتىك دارىگەرىنىڭ شەكتەۋ ءىس-شارالارىن كۇشەيتۋ تۋرالى قاۋلىسى دايىندالدى.
COVID-19 اۋرۋىنىڭ جوعارىلاۋى جاڭا "دەلتا" شتامىنىڭ پايدا بولۋىنا، ينفەكسيانىڭ جوعارى دەڭگەيىنە ءارى تەز تارالۋىنا بايلانىستى.
20 ماۋسىمنان باستاپ زەرتتەۋگە جەتكىزىلگەن 133 سىنامانىڭ 125ء-سى انىقتالدى. مىسالى، 77 سىنامادا (62%) - بريتاندىق شتامم، 45-تە (36%) ءۇندى شتاممى، بۇل رەتتە 44 جاعدايدا سوڭعى ءۇش تاۋلىك ىشىندە، 2-ۋىندە وڭتۇستىكافريكالىق، 1-ۋىندە نيۋ-يوركتىق.
وسىعان بايلانىستى، قالا تۇرعىندارىنا بەتپەردە رەجيمىن، الەۋمەتتىك قاشىقتىقتى قاتاڭ ساقتاۋ، حالىق كوپ جينالاتىن ورىندار مەن بۇقارالىق ءىس-شارالارعا بارۋدان باس تارتۋ، سونداي-اق COVID-19-عا قارسى ۆاكسينادان ءوتۋ قاجەتتىلىگى تۋرالى تاعى دا ەسكەرتەمىز.