الماتىنىڭ كولىك قاڭقاسى ورتالىق بولىگىندە ۇزىندىعى 168 شاقىرىم 28 دالىزدەن جانە شەتكى بولىگىندە 186 شاقىرىم 30 دالىزدەن تۇراتىن دامىعان كولىك ينفراقۇرىلىمىنان تۇرادى.
بۇل تۋرالى قالالىق ءماسليحات دەپۋتاتتارى مەن ساراپشىلار قاۋىمداستىعىنىڭ الدىندا وتكەن تۇساۋكەسەردە شەبەر-جوسپاردى ازىرلەۋشىلەر ايتىپ بەردى. ايتا كەتەيىك، كولىك قوزعالىسىنىڭ شەبەر-جوسپارى الماتى اكىمى ەربولات دوسايەۆتىڭ تاپسىرماسىمەن ازىرلەنگەن، دەپ حابارلايدى اlmaty-akshamy.kz.
كولىك قاڭقاسىنىڭ مودەلىن جۇزەگە اسىرۋ ينفراقۇرىلىمدىق وزگەرىستەر قاجەت. وسىلايشا، ءبىرىڭعاي جەلىنى دامىتۋ ءۇشىن كوشەلەردى ءىشىنارا ۇزارتۋ، دالىزدەردى كەڭەيتۋ، ۋچاسكەلەردى بايلانىستىرۋ كەرەك بولادى. قالانىڭ ورتالىق بولىگىندە جۇمىستار 19 شاقىرىم جولعا، شەتكى بولىگىندە – 54 شاقىرىم جولعا جوسپارلانعان، ونىڭ 47 شاقىرىمى باس جوسپاردا كوزدەلگەن.