الماتىدا 4 شاقىرىمنان الىس جولعا شىققاندا قوعامدىق كولىكپەن ءجۇرۋ جەكە اۆتوكولىككە قاراعاندا قارجى جاعىنان ءتيىمدى
بۇگىن الماتىدا مەگاپوليس اكىمى ەربولات دوسايەۆتىڭ تاپسىرماسىمەن ازىرلەنگەن 2030 جىلعا دەيىنگى قالانىڭ كولىك قاڭقاسىنىڭ شەبەر-جوسپارىنىڭ تۇساۋى كەسىلدى. «الماتىباسجوسپار» شەبەر-جوسپارىن ازىرلەۋشىلەر مەن كەشەندى كولىك جوبالارىن ىسكە اسىرۋ سالاسىنداعى ساراپشىلار زەرتتەۋ بارىسىندا انىقتالعان قوعامدىق كولىكتىڭ نەگىزگى ماسەلەلەرىن ايتىپ، ولاردى شەشۋ بويىنشا ۇسىنىستار ازىرلەدى. اتاپ ايتقاندا، مونيتورينگ ناتيجەلەرى كورسەتكەندەي: قوعامدىق كولىك سالىستىرمالى قارجىلىق قولجەتىمدىلىككە قاراماستان، الماتىلىقتار اراسىندا تانىمال ەمەس. مۇنىڭ ءبىر سەبەبى قاربالاس ۋاقىتتا اۆتوبۋستار مەن تروللەيبۋستاردىڭ جولاۋشىلارعا تولىپ كەتۋى. بۇل رەتتە، الماتىدا قوعامدىق كولىكتە جۇرۋگە ارنالعان اي سايىنعى شىعىننىڭ ۇلەسى جالاقىنىڭ 2%. زەرتتەۋ كورسەتكەندەي، اۆتوبۋستارمەن، تروللەيبۋستارمەن جانە مەترومەن ءجۇرۋ 4 كم-دەن استام جولعا شىققاندا جەكە كولىككە قاراعاندا قارجىلىق جاعىنان تيىمدىرەك.
قولدانىستاعى ماسەلەلەردى شەشۋ ءۇشىن BRT، LRT جانە مەترو سياقتى جەدەل قوعامدىق كولىكتى دامىتۋ ۇسىنىلادى. بۇل قالانىڭ تۇرعىن اۋداندارىنىڭ تورتتەن ءۇش بولىگىن قامتۋعا مۇمكىندىك بەرەدى. قالانىڭ قالعان بولىكتەرىنە تۇرعىندارعا 10-15 مينۋت ىشىندە جاقىن ماڭداعى جەدەل كولىك ايالداماسىنا جەتۋگە مۇمكىندىك بەرەتىن تاسىمالداۋ مارشرۋتتارىن ىسكە قوسۋ جوسپارلانىپ وتىر.
كولىك قاڭقاسىن ەنگىزۋ 2024 جىلى رايىمبەك داڭعىلىن اباتتاندىرۋ جانە ارنايى كولىك جەلىسىن قۇرۋدان باستالاتىنى بەلگىلى.