زەرتتەلگەن الەمدىك تاجىريبە حالىقتى قوعامدىق كولىكتىڭ جىلدام تۇرلەرىمەن قامتۋ دەڭگەيىن ارتتىرۋ قاجەتتىگىن كورسەتەدى. بۇعان الماتىدا كولىك قاڭقاسىن ەنگىزۋگە ارنالعان شەبەر-جوسپارعا جۇرگىزىلگەن زەرتتەۋ دالەل.
قۇجاتتى ازىرلەۋگە «الماتىباسجوسپار» عزي وكىلدەرى جانە ءارتۇرلى قالالاردا كەشەندى كولىك جوبالارىن ىسكە اسىرۋ تاجىريبەسى بار باسقا دا ساراپشىلار قاتىستى، دەپ حابارلايدى اlmaty-akshamy.kz.
قۇجاتتى ازىرلەۋ كەزىندە سەۋل، سينگاپۋر، پاريج جانە الەمنىڭ باسقا قالالارىنىڭ ۇلگىسى بويىنشا ايالدامالارمەن قامتۋ، ايالدامالاردىڭ جاياۋ باراتىنداي جاقىن ورنالاسۋى، اۆتوبۋستىڭ قوزعالىس كەستەسىنىڭ ساقتالۋى، اۆتوبۋس پاركىنىڭ تۇراقتىلىعى زەرتتەلدى.
شەبەر-جوسپار اۆتورلارىنىڭ جۇرگىزگەن زەرتتەۋىنە سايكەس، الماتىدا ايالدامادان 500 م راديۋستا حالىقتىڭ 39% تۇرادى، ال پاريجدە بۇل كورسەتكىش 98%. ايالدامالاردىڭ ترافيكتى تارتۋ ورىندارىنان قاشىقتىعى اۆتوبۋس قاتىناسىنىڭ تارتىمدىلىعىن تومەندەتەدى. رايىمبەك داڭعىلىنىڭ سولتۇستىگىندەگى اۋداندار مەتروعا نەمەسە ت.ب. كولىككە قاشىقتاۋ. مۇنىڭ شەشىمى رەتىندە مەترو جەلىسىن قالانىڭ باتىس شەكاراسىنا دەيىن ۇزارتۋ، حالىقتى ايالدامالارمەن تولىق قامتۋدى، كولىكتىڭ ەكولوگيالىق تازالىعىن 90-100%-عا دەيىن قامتاماسىز ەتۋ، ايالدامادا كۇتۋ ۋاقىتىن قوسقاندا، جولاۋشىلاردى اۋىسىپ ءمىنۋ ۋاقىتىن 2-8 مينۋتقا دەيىن قىسقارتۋ جانە ت.ب. جوسپارلانعان.