كولىك سالاسىنداعى مامان رەتىندە ءقازىر الماتىدا قوعامدىق كولىكپەن ءجۇرىپ-تۇرۋدىڭ تارتىمدىلىعىن ارتتىرۋ ءۇشىن جاعداي جاساۋ بويىنشا كولەمدى كەشەندى جۇمىس جۇرگىزىلىپ جاتقانىن اتاپ وتكىم كەلەدى. قالالىق قوعامدىق كولىكپەن جولاۋشىلار تاسىمالى باسىم جاعدايعا يە بولۋى ءۇشىن جالپى كولىك اعىنىندا جىلجىمالى سوستاۆتى جاپپاي جاڭارتۋ، كولىك ينفراقۇرىلىمىن – جولدار مەن ايالداما كەشەندەرىن ۇنەمى جەتىلدىرۋ، سونداي-اق قالا ماڭىنداعى باعىتتار مەن جەلىلەردى دامىتۋ جۇرگىزىلۋدە.
سونىمەن قاتار، برت-نىڭ بولىنگەن جولاقتارى مەن جەلىلەرى دە دامۋدا. وسى جۇيەلى جۇمىستىڭ جەتەكشى ەلەمەنتتەرىنىڭ ءبىرى رايىمبەك داڭعىلىنداعى برت جەلىسى بولۋى ءتيىس.
قازىرگى ۋاقىتتا رايىمبەك داڭعىلىندا جولاۋشىلار كولىگى قوزعالىسىندا ايتارلىقتاي قيىندىقتار بايقالۋدا. ماسەلەن، "بارلىق" بازارىنان باۋىرجان مومىش ۇلى كوشەسىنە دەيىنگى ۋچاسكەدە ءبىر باعىتتا ورتاشا ەسەپپەن تاۋلىگىنە 30 000 جولاۋشى وتەدى، بۇل رەتتە تاڭەرتەڭگى ۋاقىتتا جولاۋشىلار اعىنى 3 500 جولاۋشى ساعاتىنا جەتەدى.
باۋىرجان مومىش ۇلى كوشەسىنەن كەيىن ورتاشا تاۋلىكتىك جولاۋشىلار اعىنى 20 000-25 000 مىڭ جولاۋشىعا دەيىن تومەندەيدى، الايدا بۇل كورسەتكىش رايىمبەك باتىر داڭعىلىنىڭ دالىزىنە جولاۋشىلار تاراپىنان جوعارى سۇرانىستىڭ بار ەكەنىن كورسەتەدى.
دالىزدەگى نەگىزگى قيىندىقتار كەشكى قاربالاس ۋاقىتتا، باتىس باعىتتا قوزعالۋ كەزىندە بايقالادى. مىسالى، رايىمبەك داڭعىلىنىڭ نەميروۆيچ-دانچەنكو كوشەسىمەن قيىلىسۋ ايماعىندا (كۇلگىن نۇكتەمەن بەلگىلەنگەن) "بارلىق" بازارىنا قاراي ءجۇرۋ كەزىندە اۆتوبۋستاردىڭ ورتاشا جىلدامدىعى 35 كم/ساع-تان 4 كم/ساع-قا دەيىن تومەندەيدى.
اۋەزوۆ كوشەسىنىڭ رايىمبەك داڭعىلىنا ىرگەلەس تورابىنىڭ كونسترۋكتيۆتىك ەرەكشەلىكتەرى مۇندا كولىك قۇرالدارىنىڭ قوزعالىس جىلدامدىعىن ايتارلىقتاي تومەندەتەدى، بۇل قوزعالىس قاۋىپسىزدىگىنە تەرىس اسەر ەتەدى.
كەشكى كەزەڭدەردە قوزعالىس جىلدامدىعىنىڭ تومەندەۋى ءدالىزدىڭ كەشكى ۋاقىتتا ءجۇرۋ تارتىمدىلىعىن تومەندەتەدى، ونى جولاۋشىلار اعىنىنىڭ كارتوگرامماسىنان كورۋگە بولادى:
ۇسىنىلعان كارتا اعىننىڭ شامامەن 25000 جولاۋشى ساعاتقا تومەندەگەنىن كورسەتەدى. ساياحات اۆتوۆوكزالىنان "بارلىق" بازارىنا قاراي جىلجۋ كەزىندە 17 000 جولاۋشى ساعاتقا دەيىن.
رايىمبەك باتىر داڭعىلىن برت ءۇشىن ينفراقۇرىلىمدى جايلاستىرا وتىرىپ، رەكونسترۋكسيالاۋ ءبىرىنشى كەزەكتە جىلدامدىقتى، سونداي-اق تاسىمالداردىڭ سەنىمدىلىگى مەن قاۋىپسىزدىگىن ارتتىرۋعا مۇمكىندىك بەرەدى.