مۇلىك قۇنىن وتەۋ مولشەرى مۇلىكتى قالپىنا كەلتىرۋ ءۇشىن قاجەتتى شىعىستار مەن ارزانداتۋ مولشەرىن نەگىزگە الا وتىرىپ ايقىندالادى.
الماتى اكىمىنىڭ ورىنباسارى ءىلياس وسەروۆ وڭىرلىك كوممۋنيكاسيالار قىزمەتىنىڭ بريفينگىندە قاڭتارداعى تارتىپسىزدىكتەردەن زارداپ شەككەن شاعىن جانە ورتا بيزنەس وكىلدەرىنە كەلتىرىلگەن زالالدى قالاي وتەيتىنىن ەگجەي-تەگجەيلى ءتۇسىندىردى، دەپ حابارلايدى Almaty-akshamy.kz
اكىم ورىنباسارىنىڭ ايتۋىنشا، زالالدى وتەۋ جوعالعان مۇلىكتىڭ قۇنىن تولەۋ نەمەسە زارداپ شەككەن ادامدارعا تيەسىلى بۇلىنگەن مۇلىكتى قالپىنا كەلتىرۋ جۇمىستارى ارقىلى جۇزەگە اسىرىلادى.
شوب سۋبەكتىلەرىنە كەلتىرىلگەن شىعىندى ايقىنداۋ جونىندەگى وڭىرلىك كوميسسيانىڭ نەمەسە «كۇش بىرلىكتە» قورى كوميسسياسىنىڭ شەشىمى وتەۋ ءۇشىن نەگىز بولىپ تابىلادى.
جوعالعان مۇلىكتىڭ قۇنى مەملەكەتتىك بيۋدجەتتەن جانە/نەمەسە «كۇش بىرلىكتە» قورىنان وتەلەدى، ال مولشەرىن وڭىرلىك كوميسسيا جانە/نەمەسە قوردىڭ كوميسسياسى ايقىندايدى.
«جەرگىلىكتى اتقارۋشى ورگاندار مەن قور قىزمەتتەردى كورسەتۋ ءۇشىن باعالاۋ جانە اۋديتورلىق كومپانيالاردىڭ تىزبەسىن الدىن الا ايقىندايدى جانە تىزبەنى ينتەرنەت-رەسۋرستا ورنالاستىرادى. بۇل رەتتە مۇلىككە باعالاۋ مەن اۋديت جۇرگىزۋگە، سمەتا جاساۋعا جانە بۇلىنگەن مۇلىكتى قالپىنا كەلتىرۋ شىعىندارىن كالكۋلياسيالاۋعا بايلانىستى قىزمەتتەرگە اقى تولەۋ اكىمدىككە نەمەسە قورعا جۇكتەلەدى»، - دەپ اتاپ ءوتتى ءى.وسەروۆ.
مۇلىك قۇنىن وتەۋ مولشەرى مۇلىكتى قالپىنا كەلتىرۋ ءۇشىن قاجەتتى شىعىستار مەن ارزانداتۋ مولشەرىن نەگىزگە الا وتىرىپ ايقىندالادى.
الماتى اكىمىنىڭ ورىنباسارى جىلجىمايتىن مۇلىكتى جوندەۋ شىعىندارىن سمەتامەن نەمەسە ونى قالپىنا كەلتىرۋ شىعىندارىنىڭ كالكۋلياسياسىمەن راستاۋ قاجەتتىگىن اتاپ ءوتتى.
كولىكتى ايداپ اكەتۋ جاعدايلارىنا كەلەتىن بولساق، ولار 2022 جىلعى قاڭتارداعى جەكەلەگەن وڭىرلەردەگى تارتىپسىزدىكتەر ناتيجەسىندە كو-نى جويۋدىڭ دالەلدەنگەن فاكتىلەرىن قوسپاعاندا، قىلمىستىق زاڭناما شەڭبەرىندە تەرگەلۋدە.