9 سىنىپ تۇلەكتەرى الماتىداعى بەس مەديسينالىق كوللەدجدىڭ ىشىنەن ءبىرىن تاڭدايدى.
وتكەن جىلى قالالىق كوميسسيا وتىرىسىندا العاش رەت جەكە مەديسينالىق كوللەدجدەردە مەملەكەتتىك ءبىلىم بەرۋ تاپسىرىسىن ورنالاستىرۋ تۋرالى شەشىم قابىلدانعان، دەپ حابارلايدى Almaty-akshamy.kz
سونىمەن، قازاقستان-رەسەي مەديسينالىق كوللەدجى، «ينتەردەنت» مەديسينالىق كوللەدجى، «اياجان» كوللەدجى جانە «پروفەسسور رۋزۋددينوۆتىڭ جوعارى مەديسينالىق-ستوماتولوگيالىق كوللەدجى» ج ش س، رەسپۋبليكالىق جوعارى مەديسينالىق كوللەدجى ەندى ستۋدەنتتەردى گرانتتىق نەگىزدە وقىتا الادى.
الماتى قالاسىنىڭ كاسىپكەرلەر پالاتاسىنا قازاقستان-رەسەي مەديسينالىق كوللەدجى الماتى قالاسىنىڭ مەملەكەتتىك ەمەس مەديسينالىق كوللەدجدەرىندە تەحنيكالىق جانە كاسىپتىك، ورتا بىلىمنەن كەيىنگى ءبىلىمى بار مامانداردى دايارلاۋعا مەملەكەتتىك ءبىلىم بەرۋ تاپسىرىسىن ورنالاستىرۋعا جاردەمدەسۋ تۋرالى ءوتىنىش جاسادى.
«جەكە كوللەدجدەر مەديسينالىق ماماندىقتار بويىنشا تەحنيكالىق جانە كاسىپتىك، ورتا بىلىمنەن كەيىنگى ءبىلىمى بار كادرلاردى دايىنداۋعا مەملەكەتتىك ءبىلىم بەرۋ تاپسىرىسىن ورنالاستىرۋ الماتى قالاسى قوعامدىق دەنساۋلىق ساقتاۋ باسقارماسىنىڭ ەنگىزىلۋىندە دەپ الاڭدادى. مەملەكەتتىك تاپسىرىس تەك الماتى قالاسىنداعى «جوعارى مەديسينالىق كوللەدج» شجق كمك ۆەدومستۆولىق باعىنىستى وقۋ ورنىندا ورنالاستىرىلدى. بۇل رەتتە قالادا 10-نان استام مەديسينالىق كوللەدج جۇمىس ىستەيدى»، – دەپ اتاپ ءوتتى الماتى قالاسى وكپ ادامي كاپيتالدى دامىتۋ ءبولىمىنىڭ باستىعى تولقىن ابىلدايەۆا.
جوعارىدا ايتىلعان دەرەكتەر ق ر كاسىپكەرلىك كودەكسىنىڭ 8-بابىن بۇزادى، وعان سايكەس، باسەكەلەستىكتى شەكتەۋگە نەمەسە جويۋعا باعىتتالعان قىزمەتكە جوسىقسىز باسەكەلەستىككە تىيىم سالىنادى. الماتى قالاسىنىڭ ءبىلىم باسقارماسىنا ءوتىنىش جولداندى. ماسەلە الماتى قالاسى كاسىپكەرلەرىنىڭ قۇقىعىن قورعاۋ كەڭەسىندە كوتەرىلدى. ساراپشىلار ءوتىنىشتى زەردەلەپ، جوعارىدا ايتىلعاندار ق ر ءبىلىم جانە عىلىم ءمينيسترىنىڭ 2016 جىلعى 29 قاڭتارداعى № 122 بۇيرىعىنىڭ تالاپتارىنا سايكەس كەلمەيدى دەپ ەسەپتەدى.
مەملەكەتتىك ءبىلىم بەرۋ تاپسىرىسىن ورنالاستىرۋ قاعيدالارىندا 1-تاراۋدىڭ 4-تارماعىندا بىلاي دەلىنگەن: تەحنيكالىق جانە كاسىپتىك، ورتا بىلىمنەن كەيىنگى ءبىلىمى بار كادرلاردى دايارلاۋعا ارنالعان مەملەكەتتىك ءبىلىم بەرۋ تاپسىرىسى مەنشىك نىسانىنا جانە ۆەدومستۆولىق باعىنىستىلىعىنا قاراماستان، تەحنيكالىق جانە كاسىپتىك ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وڭىرلىك كاسىپكەرلەر پالاتالارى مەن مۇددەلى ۇيىمداردىڭ ۇسىنىستارىن ەسكەرە وتىرىپ ورنالاستىرىلادى.
«بۇل ماسەلە 7-8 جىلدان بەرى بار. جەرگىلىكتى ءبىلىم بەرۋ گرانتتارى دەنساۋلىق ساقتاۋ دەپارتامەنتىنىڭ جەلىسى بويىنشا بولىنگەن كەزدە، ءبىز گرانتتىق ورىنداردى بولۋگە قاتىسۋعا جانە ستۋدەنتتەرىمىزگە ءبىزدىڭ بازادا تەگىن وقۋعا مۇمكىندىك بەرۋگە قارسى ەمەس ەكەنىمىزدى جازباشا جىبەردىك. ءبىراق، وكىنىشكە قاراي، وتىنىشتەرىمىز ەسكەرىلمەدى. كاسىپكەرلەر پالاتاسىندا بىرنەشە كوللەدج بىرىگىپ، بۇل ماسەلەنى كوتەردىك. كەيىن ماسەلە بويىنشا ىلگەرىلەۋ بولدى. زاڭناماعا سايكەس، 9 سىنىپ تۇلەكتەرى الماتىداعى بەس مەديسينالىق كوللەدجدىڭ ىشىنەن ءبىرىن تاڭدايدى. 2021 جىلى تەك ءبىر كوللەدج گرانت نەگىزىندە وقىتتى. 2022 جىلى كاسىپكەرلەر پالاتاسىنىڭ جاردەمدەسۋى ارقىلى بۇل ماسەلە شەشىلدى. بيىل بىزگە 100 ورىنعا گرانت ءبولىندى، ونىڭ ىشىندە مەدبيكەلەر مەن ەمدەۋ ءىسى بويىنشا ماماندار دايىندايمىز»، – دەدى «ينتەردەنت» جەكە مەديسينالىق كوللەدجىنىڭ ديرەكتورى گۇلميرا توقبەرگەنوۆا.
كوللەدج ديرەكتورىنىڭ ايتۋىنشا، ءاربىر جەكە كوللەدج ءۇشىن گرانتتىق وقىتۋ - ەڭ الدىمەن، وقۋ ورنىنىڭ جەتىستىگى مەن بەدەلى، ءبىلىم بەرۋ پروسەسىن، عىلىمي-زياتكەرلىك الەۋەتتى جاقسارتۋ، ماتەريالدىق-تەحنيكالىق بازانى جەتىلدىرۋ مۇمكىندىگى.