بۇگىن حوككەيدەن قازاقستاننىڭ جاستار قۇراماسى لەيك-پلەسيدتە وتەتىن 2023 جىلعى ۋنيۆەرسيادادا توپتىق كەزەڭدەگى سوڭعى ماچىن وتكىزەدى.
قازاقستان - اقش كەزدەسۋى استانا ۋاقىتى بويىنشا 20:30-دا باستالادى، دەپ حابارلايدى Almaty-akshamy.kz.
ءتورت ويىننان كەيىن قازاقستان قۇراماسىنىڭ ەنشىسىندە 12 ۇپاي بار. قازاقستان نەگىزگى ۋاقىتتا ءتورت رەت جەڭىسكە جەتىپ، ۇلكەن ناتيجە كورسەتتى. بۇعان دەيىن قازاقستان حوككەيشىلەرى وڭتۇستىك كورەيا (5:1)، ۆەنگريا (9:1)، ۇلىبريتانيا (15:1) جانە سلوۆاكيا (4:0) قۇرامالارىن جەڭدى.
كوماندالاردىڭ توپتاعى ورنىنا كەلسەك، قازاقستان – 12 ۇپاي (4 ماچ)، سلوۆاكيا – 9 ۇپاي (4 ماچ)، اقش – 6 ۇپاي (3 ماچ)، ۆەنگريا – 6 ۇپاي (4 ماچ). )، وڭتۇستىك كورەيا – 0 ۇپاي (3 ماچ)، ۇلىبريتانيا – 0 ۇپاي (4 ماچ). ءبىرىنشى جانە ەكىنشى ورىن العان كوماندالار پلەي-وفف كەزەڭىنە وتەدى.