«ميترالدى جەتكىلىكسىزدىكتى ترانسكاتەتەرلىك ەمدەۋدىڭ زاماناۋي تاسىلدەرى. DragonFly™ جۇيەسى» اتتى ماستەر-كلاسس بارىسىندا كارديولوگيا جانە ىشكى اۋرۋلار عىلىمي-زەرتتەۋ ينستيتۋتىنىڭ ينتەرۆەنسيالىق كارديولوگتارى حالىقارالىق ماماندارمەن بىرلەسىپ حيرۋرگيالىق قاۋىپتىلىگى جوعارى 71 جاستاعى ناۋقاسقا ميترالدى قاقپاقشانىڭ قىزمەتىن قالپىنا كەلتىرۋ بويىنشا وپەراسيا جاسادى.
پاسيەنت اۋىر ميترالدىق جەتكىلىكسىزدىگىنە جانە ستەنوكاردياعا، 1-دارەجەلى ارتەريالىق گيپەرتونياعا، ينسۋلينگە تاۋەلدى قانت ديابەتىنە، ديابەتتىك پولينەيروپاتياعا، ميوكارد ينفاركتىنە شالدىققان. ونى جۇرەك سوعۋىنىڭ جيىلەۋى جانە دۇرىس جۇمىس ىستەمەۋى، فيزيكالىق جۇكتەمە كەزىندە دەمىگۋ، اياعىنىڭ ءىسىنۋى، جالپى السىزدىك، شارشاعىشتىق مازالاعان.
«ءبىز كلينيكالىق پراكتيكاعا جۇرەك-قان تامىر اۋرۋلارىن ەمدەۋدىڭ زاماناۋي، عىلىمي نەگىزدەلگەن ادىستەرىن ەنگىزۋگە ۇمتىلامىز. بۇل تەحنولوگيا ىلەسپە اۋرۋلارى بار جانە وپەراسيادان كەيىنگى اسقىنۋلاردىڭ جوعارى قاۋپىنە بايلانىستى «اشىق» وپەراسيا جاساتۋعا جارامايتىن پاسيەنتتەر اراسىندا ەۋروپانىڭ جەتەكشى كلينيكالارىندا جاقسى ناتيجەسىن كورسەتتى. ءمينيينۆازيۆتى وپەراسيالار اعزاعا ارالاسۋ كولەمىن جانە تىندەردىڭ زاقىمدانۋ دەڭگەيىن بارىنشا ازايتۋعا مۇمكىندىك بەرەدى، پاسيەنتتەردىڭ تەز قالپىنا كەلۋىنە جانە وپەراسيادان كەيىنگى كەزەڭنىڭ قولايلى وتۋىنە ىقپال ەتەدى»، – دەيدى باسقارما ءتوراعاسى رۇستەم تولەۋتايەۆ.
ميترالدى قاقپاقشانى ترانسكاتەتەرلىك جولمەن قالپىنا كەلتىرۋدىڭ زاماناۋي تەحنولوگيالارى بويىنشا ماستەر-كلاسس بارىسىندا يننوۆاسيالىق DragonFly™ جۇيەسى قولدانىلدى. بۇل - قىتايداعى «شەتىنە دەيىن» (TEER) پرينسيپىمەن ميترالدى قاقپاقشانى ترانسكاتەتەرلىك رەكونسترۋكسيالاۋعا ارنالعان العاشقى قۇرىلعى جانە ميترالدى جەتىسپەۋشىلىكتى ەمدەۋدىڭ كلينيكالىق تۇرعىدا زەرتتەلگەن ينتەرۆەنسيالىق ءادىسى.
رەنتگەنەندوۆاسكۋليارلىق وپەراسيا بلوگىنىڭ مەڭگەرۋشىسى الەكسەي كولەسنيكوۆتىڭ ايتۋىنشا، TEER-تەراپيا — حيرۋرگيالىق قاۋىپتىلىگى جوعارى ناۋقاستاردا ميترالدى قاقپاقشا فۋنكسياسىن قالپىنا كەلتىرۋدىڭ حالىقارالىق دەڭگەيدە مويىندالعان ستاندارتى. DragonFly™ جۇيەسىن قولدانۋ قازاقستاندا ينتەرۆەنسيالىق كارديولوگيانى ودان ءارى دامىتۋعا جاڭا مۇمكىندىكتەر اشادى جانە ميترالدى جەتىسپەۋشىلىكتى مينيمالدى ءينۆازيۆتى ادىستەرمەن ەمدەۋدىڭ قولجەتىمدىلىگىن ارتتىرادى.
وپەراسيا ءساتتى ءوتتى. پاسيەنت ءوزىن جاقسى سەزىنۋدە.
ماستەر-كلاسس بارىسىندا ميترالدى قاقپاقشا جەتىسپەۋشىلىگىن دياگنوستيكالاۋ جانە ەمدەۋدىڭ وزەكتى تاسىلدەرى ۇسىنىلدى، DragonFly™ جۇيەسىنىڭ كونسترۋكسيالىق ەرەكشەلىكتەرى كورسەتىلدى، كلينيكالىق جاعدايلار جانە تەحنولوگيانى ناقتى تاجىريبەدە قولدانۋ ەرەكشەلىكتەرى تالقىلاندى. TEER تەحنولوگياسىنىڭ تيىمدىلىگىن راستايتىن كلينيكالىق دەرەكتەرگە شولۋ جاسالدى. وتاندىق جانە شەتەلدىك ماماندار تاجىريبە الماستى.