الماتى قالاسىنىڭ نۇركەنت شاعىناۋدانىندا ورنالاسقان ۇستەل تەننيسى ورتالىعىندا مەگاپوليس جۋرناليستەرى مەن بلوگەرلەرى اراسىندا تارتىستى دا بەلسەندى تۋرنير ءوتتى، - دەپ حابارلايدى Aqshamnews.kz.
سپورتتىق شارانى الماتى قالاسى اكىمدىگى ىشكى ساياسات باسقارماسىنىڭ جانىنداعى وڭىرلىك كوممۋنيكاسيالار قىزمەتى ۇيىمداستىردى.
قالانىڭ جەتەكشى مەديا وكىلدەرى مەن تانىمال ينفليۋەنسەرلەرىنەن قۇرالعان 35-تەن استام قاتىسۋشىنى ءبىر الاڭعا جيناۋ وڭاي شارۋا بولعان جوق، دەگەنمەن ءىس-شارا باستالعان ساتتەن-اق اتموسفەرا قىزىققا تولى بولدى.
الماتى قالاسى وكق جەتەكشىسى بالسلۋ الەكەنوۆا تۋرنير قاتىسۋشىلارىنا قۇتتىقتاۋ ءسوزىن جولدادى. ول وڭىرلىك كوممۋنيكاسيالار قىزمەتى جىل سايىن مەديا قاۋىمداستىق ءۇشىن سپورتتىق ءىس-شارالار وتكىزىپ كەلە جاتقانىن اتاپ ءوتتى: ميني-فۋتبول، ۆولەيبول، بوۋلينگ جانە ۇستەل تەننيسىنەن تۋرنيرلەر جىل سايىنعى داستۇرگە اينالدى.
«مۇنداي كەزدەسۋلەر دوستىق قارىم-قاتىناستى نىعايتىپ، جاقسى كوڭىل-كۇي سىيلايدى جانە بىر-بىرىمىزبەن ەمەن-جارقىن ارالاسۋعا مۇمكىندىك بەرەدى»،- دەدى بالسلۋ الەكەنوۆا ءتۋرنيردىڭ اشىلۋىندا.
سايىس بارلىق تالاپقا ساي ۇيىمداستىرىلدى: تورەشىلىكتى ۇستەل تەننيسى ورتالىعىنىڭ جەتى كاسىبي جاتتىقتىرۋشىسى جۇرگىزدى.
جۋرناليستەردىڭ بۇل سپورت تۇرىنە قىزىعۋشىلىعى جوعارى - كوپتەگەن رەداكسيالار كەشكى ۋاقىتتا كورپوراتيۆتىك جاتتىعۋلار وتكىزەدى. سوندىقتان جۇلدەلەر ءۇشىن تارتىس وتە قىزۋ ءوتتى.
ۇيىمداستىرۋشىلار التى جۇلدەلى ورىندى قاراستىردى: جەڭىمپازدارعا ەكى ءبىرىنشى، ەكى ەكىنشى جانە ءۇش ءۇشىنشى ورىن بەرىلدى.
تۋرنير جەڭىمپازدارى:
1-ورىن: ەركەبۇلان سمايلوۆ (سما)، اينۇر بايتۋمانوۆا (NMG)
2-ورىن: ەستاي بوجان («الاتاۋ اقپارات»)، سايات شاپاعاتوۆ («حابار» تەلەارناسى)
3-ورىن: سىمبات بايجوكەنوۆ (31 ارنا)، اسقاربەك قازانعاپ (31 ارنا)
بارلىق جۇلدەگەرلەرگە قارجىلاي سىيلىقتار مەن كۋبوكتار تابىستالدى، سونداي-اق ءاربىر قاتىسۋشىعا العىس حاتتار ۇسىنىلدى. سپورتتىق كۇن فۋرشەتپەن قورىتىندىلانىپ، قاتىسۋشىلار بەيرەسمي اتموسفەرادا اڭگىمەلەسىپ، ويىننان العان اسەرلەرىمەن ءبولىستى.
تۋرنير تاعى ءبىر رەت الماتىلىق مەديا قاۋىمداستىعىنىڭ تەك جۇمىس ىستەپ قانا قويماي، سپورتتىق الاڭدا دا بەلسەندى دەمالا الاتىنىن كورسەتتى.