تەحنيكالىق رەگلامەنت تالابى وسىنداي.
بۇل ق ر اكىمشىلىك كودەكسىنىڭ 590-بابىنىڭ 5-بولىگى. قىسقى ۋاقىتتا جازعى دوڭگەلەكپەن جۇرگەن جۇرگىزۋشى انىقتالعان جاعدايدا پوليسيا قىزمەتكەرلەرى ايىپپۇل سالۋعا قۇقىلى، دەپ حابارلايدى Almaty-akshamy.kz.
بۇل تۋرالى وكق بريفينگىندە الماتى قالاسى پوليسيا دەپارتامەنتىنىڭ رەسمي وكىلى سالتانات ازىربەك حابارلادى.
مۇنداي بۇزۋشىلىق ءۇشىن ايىپپۇلدىڭ ەڭ تومەنگى مولشەرى 5 اەك قۇرايدى، ەگەر ءبىر جىل ىشىندە جۇرگىزۋشى وسىنداي قۇقىق بۇزۋشىلىقتى قايتا جاساسا، وندا ايىپپۇل 10 اەك-كە دەيىن ارتادى.
«قىس تاياپ قالدى، سوندىقتان 1 جەلتوقساننان 1 ناۋرىزعا دەيىن ءبىزدىڭ بارلىق اۆتوكولىكتەرىمىز قىسقى رەزەڭكەگە اۋىسۋى كەرەك. بۇل - قاۋىپسىزدىك تالاپتارى، ويتكەنى ءىرى مەگاپوليستە العاشقى جاۋىن-شاشىن باستالعاننان كەيىن حاوس باستالادى. ونىڭ سەبەبى - جۇرگىزۋشىلەردىڭ قىس مەزگىلىنە دايىن ەمەستىگىندە»، - دەيدى س. ازىربەك.
ول جۇرگىزۋشىلەردى الدىن-الا قامدانىپ، كولىكتى قىس كەزىنە ەرتەرەك دايىنداۋعا شاقىردى، اسىرەسە پوليسەيلەر بۇل باعىتتا 1 قاراشادان باستاپ پروفيلاكتيكالىق جۇمىستاردى باستادى. ءتارتىپ ساقشىلارى جۇرگىزۋشىلەردى ەسكەرتەدى.