الماتى جەو-2ء-نى جاڭعىرتۋ جوباسىنا سايكەس، ەلەكتر قۋاتى 600 مۆت-عا دەيىنگى جانە جىلۋ قۋاتى 957 گكال/ساع دەيىنگى گاز تۋربينالى جەو سالۋ كوزدەلىپ وتىر
بۇگىن الماتى قالاسىندا گازبەن جاناتىن جاڭا الماتى جەو-2ء-نى سالۋشى مەردىگەرمەن شارتقا قول قويىلدى، دەپ حابارلايدى Almaty-akshamy.kz.
EPC-كەلىسىمشارت جوبالاۋ، جابدىقتى جەتكىزۋ، قۇرىلىس-مونتاجداۋ جانە ىسكە قوسۋ-رەتتەۋ جۇمىستارى، پايدالانۋعا بەرۋ سياقتى جۇمىستىڭ تولىق سيكلىنىڭ ورىندالۋىن بىلدىرەدى. جاڭا ستانسيا جۇمىس ىستەپ تۇرعان جەو الاڭىنا سالىنادى، وندا بۇگىنگى كۇنى نەگىزگى وتىن رەتىندە كومىر، ال ىسكە قوسار كەزدە مازۋت پايدالانىلادى.
جاڭا گاز-تۋربينالىق جەو-نى سالۋشى مەردىگەر ەنەرگەتيكا سالاسىنداعى «Dongfang Electric International Corporation»، «Powerchina Sepco1 Electric Power Construction Co.، Ltd»، «Powerchina Hebei Electric Power Engineering Co.، Ltd» جوبالارىن ىسكە اسىرۋعا مامانداندىرىلعان ءۇش ءىرى قىتايلىق كومپانيالار كونسورسيۋمى بولدى. كونسورسيۋم دەگەنىمىز – كومپانيالار وداعى، ولاردىڭ ءبىرىنشىسى – ونەركاسىپتىك جابدىقتاردىڭ ءىرى ءوندىرۋشىسى، ەكىنشىسىنىڭ جوبالاردى ەرس-شارتتارى بويىنشا ىسكە اسىرۋ تاجىريبەسى بار، ءۇشىنشىسى – جوبالاۋ جۇمىستارىنا ماماندانعان كومپانيا.
بۇل تاڭداۋ «الماتى جەو-2ء-نى قورشاعان ورتاعا اسەرىن بارىنشا ازايتا وتىرىپ، جاڭعىرتۋ» جوباسى شەڭبەرىندە ەۋروپا قايتا قۇرۋ جانە دامۋ بانكىنىڭ (ەقدب) حالىقارالىق ستاندارتتارى مەن قاعيدالارى بويىنشا وتكەن ەكى كەزەڭدى اشىق حالىقارالىق تەندەردىڭ قورىتىندىلارىمەن ايقىندالدى. ەستەرىڭىزگە سالا كەتەيىك، EPC مەردىگەرىن انىقتاۋعا ارنالعان تەندەر وتكەن جىلدىڭ قازان ايىندا جاريالانعان بولاتىن. 2023 جىلدىڭ قاڭتارىندا كونكۋرستىڭ 1-كەزەڭىنە قاتىسۋشىلاردىڭ وتىنىمدەرى (بىلىكتىلىكتى ىرىكتەۋ) اشىلدى. بارلىعى 6 قاتىسۋشىدان وتىنىمدەر كەلىپ ءتۇستى. تەندەردىڭ 2-كەزەڭى اياسىندا ەكى ءوتىنىم قارالدى. ناتيجەسىندە، ەقدب ەرەجەلەرىنە سايكەس، كونكۋرس ءوتتى دەپ سانالادى جانە بانك 2023 جىلدىڭ مامىر ايىنىڭ سوڭىندا ونىڭ جەڭىمپازى – ءۇش قىتايلىق كومپانيانىڭ كونسورسيۋمىن راستادى.
EPC-كەلىسىمشارتقا قول قويۋ الماتى جەو-2 اۋماعىندا، جاڭا ستانسياعا بولىنگەن جەردە ءوتتى. ءىس-شارا «سامۇرىق-قازىنا» قورى، قر-داعى قحر ەلشىلىگى، ق ر ەنەرگەتيكا مينيسترلىگى، الماتى قالاسى اكىمدىگى، «سامۇرىق-ەنەرگو»اق وكىلدەرىنىڭ قاتىسۋىمەن ءوتتى. تاپسىرىس بەرۋشى تاراپىنان كەلىسىمشارتقا «الماتى ەلەكتر ستانسيالارى» اق (الەس) باسقارما ءتوراعاسى ەران قىرقىنبايەۆ، مەردىگەر تاراپىنان – سزيان ليسيان مىرزا، «Dongfang Electric International Corporation» كومپانياسىنىڭ حالىقارالىق ماركەتينگ ءبولىمى باس ديرەكتورىنىڭ ورىنباسارى قول قويدى.
الماتى جەو-2ء-نى جاڭعىرتۋ جوباسىنا سايكەس ەلەكتر قۋاتى 600 مۆت-عا دەيىنگى جانە جىلۋ قۋاتى 957 گكال/ساع دەيىنگى گاز تۋربينالى جەو سالۋ كوزدەلىپ وتىر. ستانسياعا گاز تۋربينالىق بلوكتاردىڭ كورپۋسى مەن سۋ جىلىتۋ قازاندىعى كىرەدى.جوبانىڭ ماقساتى - جەو-2ء-نى تابيعي گازدى جاعۋعا اۋىستىرۋ ەسەبىنەن ستانسيانىڭ الماتى قالاسىنىڭ ەكولوگيالىق جاعدايىنا تەرىس اسەرىن ازايتۋ. جوبانى اياقتاۋ جانە ستانسيانى پايدالانۋعا بەرۋ 2026 جىلدىڭ جەلتوقسانىنا جوسپارلانۋدا.
«سامۇرىق-ەنەرگو» اق باسقارما ءتوراعاسى سەرىك تۇيتەبايەۆتىڭ ايتۋىنشا، الماتىنىڭ ەكى ستانسياسى – جەو-2 جانە جەو-3 جاڭعىرتىلعاننان، قايتا جاڭارتىلعاننان جانە گازعا اۋىستىرىلعاننان كەيىن قالا اتموسفەراسىنا زياندى زاتتاردىڭ شىعارىندىلارى 92%-عا تومەندەيدى. تومەندەۋگە ەۋروپالىق وداقتىڭ تالاپتارى دەڭگەيىندە اتموسفەراعا زياندى زاتتاردىڭ شىعارىلۋىن قامتاماسىز ەتەتىن ءتيىمدى گاز تۋربينالى قوندىرعىلاردا تابيعي گازدى پايدالانۋ ەسەبىنەن قول جەتكىزىلەتىن بولادى. سونىمەن قاتار، كومىردىڭ نەگىزگى وتىنىن گازعا اۋىستىرۋ ناتيجەسىندە كۇل-قوج قالدىقتارىنىڭ ءتۇزىلۋى مەن كومىلۋى الىنىپ تاستالادى. قولدانىستاعى كۇل ءۇيىندىسىنىڭ ورنىندا وندىرىستىك اعىنداردى كادەگە جاراتۋ ءۇشىن بۋلانۋ الاڭدارى كوزدەلەدى.
سونداي-اق، «سامۇرىق-ەنەرگو» اق ماماندارىنىڭ ايتۋىنشا، جوبا قازاقستاننىڭ وڭتۇستىك ايماعىنداعى ەلەكتر قۋاتى نارىعىنىڭ تاپشىلىعىن جابۋعا باعىتتالعان.
2022 جىلدىڭ قاراشاسىندا ستانسيا يەسى الەس پەن ەقدب اراسىندا جوبانى قارجىلاندىرۋ تۋرالى نەسيەلىك كەلىسىم جاسالدى. جالپى، جوبانى قارجىلىق قولداۋدى ەقدب-دان باسقا ازيا دامۋ بانكى (ادب) جانە «قازاقستاننىڭ دامۋ بانكى» اق (قدب) كىرەتىن حالىقارالىق جانە قازاقستاندىق قارجى قۇرىلىمدارى جۇزەگە اسىراتىن بولادى. ادب جانە قدب-مەن ءتيىستى قۇجاتتارعا قول قويۋ 2023 جىلعى ماۋسىمعا جوسپارلانىپ وتىر. قارجىلاندىرۋ «سامۇرىق-قازىنا» قورىنىڭ كورپوراتيۆتىك كەپىلدىكتەرىمەن جۇزەگە اسىرىلادى، بۇل ساراپشىلاردىڭ باعالاۋى بويىنشا تاۋەكەلدەردى ازايتۋعا جانە كرەديتتەۋ شارتتارىن جاقسارتۋعا ىقپال ەتەدى.