الماتىدا جاتاقحانا سالۋ ءۇشىن جوبالىق كەڭسە قۇرىلدى، سول ارقىلى 5 مىڭ ورىنعا 27 جاڭا نىسان سالىنادى. بۇل تۋرالى قالا اكىمى ەربولات دوسايەۆ ايتىپ بەردى، دەپ حابارلايدى Almaty-akshamy.kz.
«مەملەكەت باسشىسى جاستاردى قولداۋعا ەرەكشە كوڭىل بولەدى. بۇل رەتتە جىل باسىنان بەرى 4،9 مىڭ جاس جۇمىسپەن قامتىلدى، 3،8 مىڭ جاس وزەكتى ماماندىق بويىنشا قايتا وقىتىلدى، قالالىق كارەرا ورتالىعى اشىلدى. وزەكتى كاسىپتەر بويىنشا 4 قىسقامەرزىمدى كۋرس ىسكە قوسىلدى جانە QR ارقىلى كىرۋگە بولاتىن سيفرلىق جۇمىسپەن قامتۋ پلاتفورماسى ازىرلەندى»، - دەدى قالا اكىمى ورتالىق كوممۋنيكاسيالار قىزمەتىندە.
ونىڭ ايتۋىنشا، قالانىڭ بارلىق اۋداندارىندا جاستار كوميۋنيتي-ورتالىقتارىن اشۋ ءۇشىن 8 نىسان بەلگىلەنىپ، تۇجىرىمدامالار دايىندالعان. قارجىلاندىرۋ ماسەلەسى دە شەشىلگەن. جاتاقحانا سالۋ ءۇشىن جوبالىق كەڭسە قۇرىلىپ، ونىڭ بازاسىندا 5 مىڭ ورىنعا 27 جاڭا نىسان قۇرۋ ءۇشىن 99 جەكە ينۆەستور تارتىلىپتى.
«ناشاقورلىقتىڭ الدىن الۋ ءۇشىن مامانداندىرىلعان 8 «ناركوستوپ» ورتالىعى جۇمىس ىستەيدى. وعان 2 مىڭنان استام ۆولونتەر تارتىلدى. 200-دەن استام ءىس-شارا وتكىزىلىپ، قازاقستاننىڭ بۇكىل قالالارىنان كەلگەن جاستارعا 1،2 مىڭنان استام كەڭەس بەرىلدى. 2023 جىلدىڭ سوڭىنا دەيىن NEET جاستاردىڭ ۇلەسى 5،5%-كە دەيىن قىسقارىپ، جاتاقحانالاردا 3،5 مىڭنان استام جاڭا توسەك-ورىن پايدالانۋعا بەرىلەدى»، - دەدى ەربولات دوسايەۆ.