جاستار ۇندەۋ جاسادى
الماتىدا جاستار ۇيىمدارى 5 ماۋسىم كۇنى وتەتىن رەفەرەندۋمعا بايلانىستى «دوڭگەلەك ۇستەل» وتكىزدى، دەپ حابارلايدى Almaty-akshamy.kz.
جيىنعا بارلىق بەلسەندى الماتى جاستارى جانە ءارتۇرلى ۇيىمداردىڭ ءتوراعالارى قاتىستى. اتاپ ايتقاندا، قالا اۋداندارىنىڭ جاستار رەسۋرستىق ورتالىق وكىلدەرى، جاستار ساياساتىن دامىتۋ مەملەكەتتىك قورى ۇيىمىنىڭ باسشىسى، «قازاقستان ەرىكتىلەر ليگاسىنىڭ» ءتوراعاسى، «Qamqor» قوعامدىق قورىنىڭ ءتوراعاسى، «اسسامبلەيا جاستار» ۇيىمىنىڭ مۇشەلەرى، «G38» قوزعالىسىنىڭ وكىلدەرى جانە باسقا دا ۇيىمداردىڭ اتىنان بەلسەندى ازاماتتار قاتىستى.
ءىس-شاراعا قاتىسۋشىلار رەفەرەندۋمعا بايلانىستى ويلارىن ورتاعا سالىپ، ونىڭ ماڭىزى مەن ءمانىن تالقىلادى. ۇيىم باسشىلارى جاستار مەن جالپى حالىق اراسىندا رەفەرەندۋم جايلى تۇسىندىرمە جۇمىستارىن جۇرگىزۋدىڭ وزەكتىلىگىنە اسا ءمان بەردى. سونداي-اق، قوعامدىق ۇيىمداردىڭ وكىلدەرى ءوزارا بايلانىس ورناتىپ، بىرىگە جۇمىس ىستەۋدىڭ ماڭىزىنا دا توقتالدى. «دوڭگەلەك ۇستەل» باسىندا پىكىر الماسقان سوڭ جاس بەلسەندىلەر ورتاق پىكىرگە كەلدى.
«ءبىز – الماتى جاستارىنىڭ، ازاماتتىق قوعامنىڭ بەلسەندى وكىلدەرى – مەملەكەت باسشىسىنىڭ كونستيتۋسياعا ۇسىنىلاتىن تۇزەتۋلەردى رەفەرەندۋم اياسىندا جالپىحالىقتىق داۋىس بەرۋگە شىعارۋ تۋرالى شەشىمىن قولدايمىز. ءبىز بارلىق الماتىلىقتاردى بەلسەندى ازاماتتىق ۇستانىم تانىتىپ، رەسپۋبليكالىق رەفەرەندۋمدا داۋىس بەرۋگە قاتىسۋعا شاقىرامىز»، – دەپ جاستار ۇيىمدارى بىرىگىپ، الماتى حالقىنا ۇندەۋ جاسادى.
اقپاراتتىق ماتەريال «رەسپۋبليكالىق رەفەرەندۋم جونىندەگى» ق ر زاڭىنىڭ 7 بابى 2 تارماعى بويىنشا "Qamqor Charity" قق تاپسىرىسىمەن جاريالاندى.
جاۋاپتى تۇلعا – اناربايەۆا ب.