«الماتى جاستارى» باعدارلاماسى بويىنشا قوسىمشا وتىنىشتەر قابىلدانادى، دەپ حابارلايدى aqshamnews.kz
بۇل مۇمكىندىك جازدا نەگىزگى ىرىكتەۋدەن وتە الماعان، ءبىراق قۇجاتتارىندا قاتەلىكتەر بولعان ازاماتتارعا بەرىلەدى.
باعدارلاماعا قاتىسۋ شارتتارى:
- باعدارلاماعا 35 جاسقا تولماعان قازاقستاندىقتار قاتىسا الادى.
- الماتى قالاسىندا كەمىندە 6 اي تۇراقتى جۇمىس ىستەگەن بولۋى كەرەك.
- تۇرعىن ءۇيدىڭ قۇنى 18 ملن تەڭگەگە دەيىن، العاشقى جارناسى كەمىندە 10% بولۋى ءتيىس.
- يپوتەكا جىلدىق 5% مولشەرلەمەمەن، 19 جىلعا دەيىنگى مەرزىمگە بەرىلەدى.
وتىنىشتەردى تاپسىرۋ ءۇشىن قۇجاتتاردى جەكە كابينەتتە جاڭارتۋ قاجەت. ءوتىنىش بەرۋ مەرزىمى — 31 جەلتوقسانعا دەيىن.