قازاقستاندا مەملەكەتتىك قولداۋ شارالارىنىڭ قولجەتىمدىلىگى مەن اشىقتىعىن قامتاماسىز ەتۋ ماقساتىندا پيلوتتىق رەجيمدە «الەۋمەتتىك ءاميان» جوباسى ىسكە اسىرىلۋدا.
ول وقۋشىلارعا پرواكتيۆتى رەجيمدە تەگىن ىستىق تاماق بەرۋدى كوزدەيدى، دەپ حابارلايدى aqshamnews.kz.
ۇكىمەتتىڭ Telegram كانالىندا جاريالانعان اقپاراتقا ساي، قىزمەتتى مەملەكەتتىك قولداۋدىڭ بارلىق شارالارى جيناقتالعان eGove Mobile پلاتفورماسىنىڭ كومەگىمەن پايدالانۋعا بولادى. بۇگىنگى تاڭدا جوباعا 2 مىڭ مەكتەپ قوسىلىپ، 200 مىڭنان استام ىستىق تۇسكى اس بەرىلدى.
«بۇرىن ىستىق تاماق ءۇشىن ازاماتتار قۇجات جينايتىن. ولار وسى ساناتقا جاتاتىندىعىن راستادى، ياعني ولاردىڭ قۇقىعى بار نەمەسە جوق ەكەنىن انىقتايتىن. قازىرگى ۋاقىتتا ولار جاي عانا سىزگە ىستىق تاماق بەرىلۋى كەرەك دەگەن حابارلامانى الادى. ياعني، “العىڭىز كەلە مە، جوق پا؟” دەگەن. ەگەر كەلىسىم بەرسەڭىز، ۆاۋچەر اۆتوماتتى تۇردە جاسالادى، ولار ونى ىسكە قوسادى جانە ىستىق تاماق بەرىلەدى. وعان 3-5 مينۋت قانا ۋاقىت كەتەدى»، — دەدى «الەۋمەتتىك ءاميان» جوباسىنىڭ جەتەكشىسى فارابي قالدىبييەۆ.