ءورتتىڭ نەدەن شىققانى انىقتالۋدا
اباي وبلىسى ءۇرجار اۋدانىندا الاكول جاعاسىنداعى دەمالىس بازاسىندا بولعان ءورت 5 ساعات بويى ءسوندىرىلدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«الاكول جاعاسىنداعى دەمالىس بازاسىندا الدىن الا ەسەپتەلگەندەي 3 مىڭ شارشى مەتر اۋماق ورتەنگەن. 4 دەمالىس ورنى ءبۇلىندى. بىر-بىرىنە جالعاپ سالىنعان اعاش ۇيلەرگە ءورت جىلدام تارادى. ونىڭ ۇستىنە قاتتى جەل دە ءورتتى سوندىرۋگە كەدەرگى كەلتىرگەن. 5 ساعات 40 مينۋتقا سوزىلعان الاپات ءورتتى سوندىرۋگە توتەنشە جاعدايلار دەپارتامەنتى جانە پوليسيا، جەرگىلىكتى ورگانداردان كەلگەن 186 ادام مەن 29 تەحنيكا جۇمىلدىرىلدى. ورتتەن زارداپ شەككەن 7 ادام مەديسينالىق كومەككە جۇگىنگەن. الايدا ولار اۋرۋحاناعا جاتۋدان باس تارتقان»، - دەلىنگەن اباي وبلىسىنىڭ تجد باسپا ءسوز قىزمەتى حابارلاماسىندا.
ءورتتىڭ نەدەن شىققانى انىقتالۋدا. وقيعا ورنىندا وپەراتيۆتىك شتاب جۇمىس ىستەپ جاتىر. ايتا كەتسەك، 4 شىلدە كۇنى ساعات 23:20-دا ءۇرجار اۋدانىنداعى الاكول جاعاسىنداعى دەمالىس بازاسىندا ءورت شىققان. قاتتى جەلدىڭ كەسىرىنەن قىزىل جالىن قاس پەن كوزدىڭ اراسىندا كورشى بازانى شارپىپ ۇلگەرگەن.
الەۋمەتتىك جەلىدە الاكولدەگى ءورت تۇسىرىلگەن ۆيدەولار جاريالانىپ جاتىر. جەلى قولدانۋشىلارى دەمالىس ورنىنداعى ادامداردىڭ ءقاۋىپسىز جەرگە شىققانىن، كەيبىرى ءورتتى سوندىرۋگە اتسالىسىپ جاتقانىن ايتادى.