باۋىرجان مومىش ۇلىنىڭ ەسىمىن يەلەنگەن مەترو تۇراعىنىڭ بولۋى وتە جاقسى باستاما.
«قازاقستان رەسپۋبليكاسى ۇلتتىق كووپەراتيۆتەر جانە ەكونوميكالىق قوعامداستىقتاردىڭ باسقا دا نىساندارى قاۋىمداستىعى» زتب پرەزيدەنتى قازىبەك شايح «دوستىق» مەترو ستانساسىنىڭ اتاۋىن وزگەرتىپ، باۋىرجان مومىش ۇلىنىڭ ەسىمىن بەرۋ وتە ورىندى ۇسىنىس دەگەن پىكىرىن جەتكىزدى، دەپ Almaty-akshamy.kz.
ول باۋىرجان مومىش ۇلى ەلىمىزدىڭ، ۇلتىمىزدىڭ، جالپى قازاقستاننىڭ رۋحاني قازىناسى، رۋحاني قازىعى ەكەندىگىن العا تارتتى.
«دوستىق» مەترو ستانساسىنىڭ اتاۋىن وزگەرتىپ، باۋىرجان مومىش ۇلىنىڭ ەسىمىن بەرۋ وتە ورىندى ۇسىنىس. ارينە، ەلىمىزدە مىندەتتى تۇردە دوستىقتى دامىتۋ كەرەك. ءبىراق، تاريحىمىزدى ۇمىتپاۋىمىز قاجەت. ونىڭ ۇستىنە، ءقازىر كۇن تارتىبىندە «رۋحاني جاڭعىرۋ» تۇر. تاۋەلسىزدىگىمىزدىڭ تۇعىرىن قورعاپ، ونى دامىتۋ ءۇشىن بىزگە رۋحاني تىرەكتەر، رۋحاني قازىقتار كەرەك. ال باۋىرجان مومىش ۇلى – ەلىمىزدىڭ، ۇلتىمىزدىڭ، جالپى قازاقستاننىڭ رۋحاني قازىناسى، رۋحاني قازىق دەپ ايتۋعا بولادى. سەبەبى، ول جاستارعا ۇلگى. جالپى، باۋىرجان مومىش ۇلىنىڭ ەسىمىن يەلەنگەن مەترو تۇراعىنىڭ بولعانى وتە جاقسى باستاما دەپ ايتۋعا بولادى»، - دەيدى ق. شايح.
تەك قانا ءبىزدىڭ ەلىمىزدىڭ ازاماتتارى ەمەس، باسقا ەلدەن كەلگەن قوناقتار ونىڭ اتىن وقىپ، ەستىگەن كەزدە قىزىعۋشىلىق تۋىپ، ونىڭ كىم ەكەنىن بىلگىسى كەلەدى. «بۇل تۇلعا كىم، قانداي ءىس اتقارعان، تاريحتا قانداي ءىزىن قالدىرعان» دەگەن سىندى سۇراقتار تۋىندايدى. وسىلاي ءبىز ەلىمىزدە، قازاقستاندا مەملەكەت رەتىندە، جالپى ۇلت رەتىندە باۋىرجان مومىش ۇلى سەكىلدى ۇلى تۇلعا بار ەكەنىن كورسەتە الامىز دەگەن پىكىردە ەكەنىن جاسىرمادى ول.