ءماسليحات ەكىگە ءبولىندى
بۇگىن تالدىقورعان قالاسىندا الماتى وبلىستىق ءماسليحاتىنىڭ كەزەكتەن تىس 20-شى سەسسياسى ءوتتى. بۇل باسقوسۋدا ەكى وبلىستىڭ ءماسليحاتى بەكىتىلدى، دەپ حابارلايدى Almaty-akshamy.kz Qazaqstan.tv-گە سىلتەمە جاساپ.
جاڭا عانا ءماسليحاتتىڭ كەزەكتەن تىس 20 شى سەسسياسى اياقتالدى. ءماسليحات ەكىگە ءبولىندى. جەتىسۋ وبلىسىنا 19 دەپۋتات، الماتى وبلىسىنا 26 دەپۋتات بەكىتىلدى. ءدال وسى سەسسيا اياقتالعاننان كەيىن جەتىسۋ وبلىستىق ءماسليحاتىنىڭ العاشقى سەسسياسى ءوتىپ، حاتشىسى سايلاندى.
سونداي اق ءماسليحاتتىڭ تۇراقتى كوميسسيالارى قۇرىلدى. دەپۋتاتتار بۇگىن شىنىمەن دە ەل تاريحىنداعى ەرەكشە كۇن ەكەنىن اتاپ ءوتىپ جىلى لەبىزدەرىن ءبىلدىردى.
جەتىسۋ وبلىسىنىڭ اكىمشىلىك قۇرامىندا 8 اۋدان جانە 2 قالا قالدى. جاڭا وبلىستاعى 19 دەپۋتات وسى اۋدانداردىڭ وكىلدەرى. ال، وبلىستىڭ باسشىسى كىم بولاتىنى الداعى ۋاقىتتا بەلگىلى بولماق.