كۇدىكتى رەتىندە يران رەسپۋبليكاسىنىڭ تۋماسى انىقتالىپ، ۇستالدى
اقتاۋدا شەتەلدىك ايەلدەن 40 كەلىگە جۋىق اپيىن ەسىرتكىسى تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
1 ماۋسىمدا ماڭعىستاۋ وبلىسى پد كريمينالدىق پوليسيا قىزمەتكەرلەرى جەدەل-ىزدەستىرۋ ءىس-شارالارىن جۇرگىزۋ كەزىندە اقتاۋ قالاسىنداعى پاتەرلەردىڭ ءبىرىن ءتىنتۋ بارىسىندا جالپى سالماعى 39 كەلىنى قۇرايتىن اپيىن ەسىرتكى زاتى تابىلىپ، تاركىلەندى.
كۇدىكتى رەتىندە يران رەسپۋبليكاسىنىڭ تۋماسى انىقتالىپ، ۇستالدى. اقتاۋ قالاسىنىڭ تەرگەۋ سوتى كۇدىكتىگە قاتىستى كۇزەتپەن ۇستاۋ تۇرىندەگى بۇلتارتپاۋ شاراسىن تاڭدادى.
اتالعان فاكت ق ر قك-نىڭ 297-بابى 3-بولىگى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا سدتبت-دە تىركەلدى. وزگە اقپارات تەرگەۋ مۇددەسىندە جاريا ەتىلمەيدى.