2024 جىلدىڭ 11-15 جەلتوقسان ارالىعىندا ا. مالدىبايەۆ اتىنداعى قىرعىز ۇلتتىق اكادەميالىق وپەرا جانە بالەت تەاترىندا كورنەكتى قىرعىز ءبيشىسى ءارى بالەتمەيستەرى ۋران سارباگىشيەۆتىڭ 90 جىلدىعىنا ارنالعان «ۋلۋۋ-ەلەس» ءى حالىقارالىق بالەت ارتىستەرى بايقاۋى ءوتتى.
بۇل تۋرالى مادەنيەت جانە اقپارات مينيست رلىگىنىڭ باسپا ءسوز قىزمەتى مالىمدەدى، دەپ حابارلايدى aqshamnews.kz.
وعان رەسەي، قازاقستان، وزبەكستان، جاپونيا جانە قىرعىزستاننان كەلگەن بالەت ارتىستەرى، حورەوگرافيالىق وقۋ ورىندارىنىڭ ستۋدەنتتەرى مەن بالەتمەيستەرلەرى قاتىستى.
الەكساندر سەلەزنيەۆ اتىنداعى الماتى حورەوگرافيالىق ۋچيليششەسىنىڭ ستۋدەنتتەرى جوعارى ناتيجەلەر كورسەتتى:
1 ورىن – امينا باتايەۆا
2 ورىن – اقبوتا ابىلقاسەنوۆا
3 ورىن – توميريس اقىن مەن اليحان ناقىسحوجايەۆ.
ديپلومانتتار:
يرينا بەككەر، اناستاسيا پەتينا، اليشەر قاسىمحان، ارسەن ەرمەكوۆ.
ەرەكشە ماراپات – روبەرت ۋرازعيلدەيەۆ پەن ينگا ليەۆچەنكو اتىنداعى جۇلدە، ونى بۋبۋسارا بەيشەنالييەۆا اتىنداعى قىرعىز مەملەكەتتىك مادەنيەت جانە ونەر ۋنيۆەرسيتەتى تاعايىنداعان. بۇل جۇلدەنى يرينا بەككەر مەن وقىتۋشى – قازاق كسر ەڭبەك سىڭىرگەن ءارتىسى ليۋدميلا مۋنسەك قىزى لي يەلەندى.
بايقاۋ بالەت ونەرىن دامىتۋ مەن ناسيحاتتاۋعا، دارىندى ورىنداۋشىلاردى انىقتاپ، قولداۋعا، بالەت ارتىستەرىنىڭ كاسىبي شەبەرلىك دەڭگەيىن ارتتىرۋعا، سونداي-اق بالەت سالاسىنداعى حالىقارالىق مادەني بايلانىستاردى نىعايتۋعا باعىتتالعان.