الماتىداعى اتى اڭىزعا اينالعان قازاق مەملەكەتتىك سيركىنىڭ ارەناسىندا الەمدىك سيرك ونەرىنىڭ جۇلدىزدارى ونەر كورسەتەدى.
23-27 شىلدە ارالىعىندا كۇن سايىن ساعات 18:00-دە كورەرمەندەرگە قازاقستاننان، فرانسيادان، گەرمانيادان، قىتايدان، ۆەتنامنان، ارگەنتينادان، ەفيوپيادان، بەلگيادان، وزبەكستاننان، قىرعىزستاننان، رەسەيدەن، ۋكراينادان جانە باسقا دا ەلدەردەن كەلگەن اكروباتتار، اۋە گيمناستتارى، جونگلەرلەر، كلوۋندار، ەكۆيليبريستتەر مەن وزگە دە ونەرپازداردىڭ بىرەگەي قويىلىمدارى ۇسىنىلادى.
جالپى العاندا، 16 ەلدەن كەلگەن سيرك شەبەرلەرى Almaty Circus Festival اتتى III حالىقارالىق سيرك ونەرى فەستيۆالىندە ۇمىتىلماس شوۋ جاسايدى. بيلەتتەر سيرك كاسساسىندا جانە Freedom Ticketon پلاتفورماسىندا قولجەتىمدى.
بيىلعى فەستيۆال قازاق مەملەكەتتىك سيركىنىڭ 55 جىلدىعىنا ارنالادى. اۋقىمدى ءىس-شارا الماتى قالاسى اكىمدىگىنىڭ قولداۋىمەن وتۋدە. سونىمەن قاتار سيرك كۇمبەزى استىندا بۇعان دەيىن حالىقارالىق فەستيۆالدەردە كورسەتىلمەگەن ەكسكليۋزيۆتى ءارى تاريحي قويىلىمدار العاش رەت ساحنالانادى.
فەستيۆال قاتىسۋشىلارىنا وتاندىق سيرك ونەرىنىڭ نەگىزىن قالاعان ارداگەرلەر مەن شەت ەلدەردەن كەلگەن سالانىڭ مىقتى مەنەدجەرلەرى باعا بەرەدى.